سوناۋ بۇرىنعى وتكەن داۋىردە سەلەۋى تەربەلگەن, سايىن دالانىڭ ءبىر جىگىتى جات ەلدىڭ ارۋىنا ولەردەي عاشىق بولىپتى. قىز ايتىپتى: «مەن ساعان ايەل بولايىن, بىراق 100 ءتۇرلى شارتىم بار, سونى ورىندا». جىگىت قۋانا كەلىسەدى. العاشقى شارتىم – دەيدى قىز جىگىتكە: بيىك جارتاسقا شىعىپ سەكىر. جىگىت ونى ورىنداپ, اياعىن سىندىرادى.
ەكىنشى شارتىم: اياعىڭدى اقساماي باس – دەيدى, قىز. ونى دا ورىندايدى. سول سياقتى, كيىمگە سۋ تيگىزبەي وزەننەن ءوتۋ, شاپقان اتتى توقتاتۋ, اساۋدى نوقتا-جۇگەنسىز ۇيرەتۋ, كەۋدەسىنە الما قويىپ قىلىشپەن شاپتىرۋ, تاعى باسقا 99 شارتىن مۇلتىكسىز ورىندايدى.
سوڭعى جالعىز شارتىم – دەپتى قىز: «ەندى ءوز انا ءتىلىڭدى ۇمىت». سول ساتتە جىگىت كوزىنەن ۇشقىن شاشىپ, بەلدەۋدەگى تۇلپارىنا قارعىپ مىنەدى دە, «حوش» دەپ ساعىم ويناعان سار دالاعا ءسىڭىپ كەتىپتى.