گرەك-ريم, ەركىن جانە ايەلدەر كۇرەسىنەن 2021 جىلى ازيا چەمپيوناتى الماتىدا وتەتىن بولدى. بۇل اقپارات بىرىككەن كۇرەس الەمىنىڭ (UWW) رەسمي سايتىندا جاريالاندى.
وسىنداي ءدۇبىرلى دودانى قابىلداۋعا الماتىنىڭ الەۋەتى جەتەتىنى ءسوزسىز. قازىرگى كەزدە الاتاۋ باۋرايىنداعى اسەم شاھاردا «الماتى ارەنا» مەن «حالىق ارەنا» سەكىلدى زامان تالابىنا ساي سالىنعان ءزاۋلىم كەشەندەر بار. وعان تالاي جىلدىڭ تاريحى بار بالۋان شولاق اتىنداعى سپورت سارايىن قوسىڭىز. وسى نىسانداردىڭ بارلىعىندا دا ءار جىلدارى اسا ءىرى حالىقارالىق جارىستار دۇركىرەپ تۇرىپ وتكەنىنە ءدۇيىم جۇرت كۋا.
كۇرەس تۇرلەرىنەن ازيا چەمپيوناتتارىندا قازاقستان بالۋاندارىنىڭ جەڭىپ العان جۇلدەلەرى جەتەرلىك. ماسەلەن, بيىلعى ازيا چەمپيوناتى ءۇندىستاننىڭ نيۋ-دەلي قالاسىندا ءوتتى. ايتۋلى جارىستا جەرلەستەرىمىز 19 (5 التىن+2 كۇمىس-12 قولا) مەدالعا يەلىك ەتىپ, جالپى كوماندالىق ەسەپتە ءتورتىنشى ورىندى يەلەندى.