سوڭعى كەزدە اقش باسپاسوزىندە «كوروناۆيرۋس تەڭىز ونىمدەرىن ساتاتىن بازاردان ەمەس, ۋحان قالاسىنداعى ۆيرۋس زەرتتەۋ ورتالىعىنان تاراعان» دەگەن بولجامدار ايتىلىپ, كەيبىر رەسمي ۇيىمدار ءتىپتى «ۆيرۋس ادەيى قولدان جاسالدى» دەگەن پايىمدارىن دا كولدەنەڭ تارتىپ وتىر.
بۇل ماسەلە اتالمىش ەلدىڭ پرەزيدەنتى دونالد ترامپ تاراپىنان ءسوز بولىپ, ارنايى تەكسەرۋ شاراسى قاراستىرىلىپ جاتقانى جايلى دا ءمالىم ەتىلىپ ۇلگەردى.
وسى ماسەلەگە بايلانىستى ۋحان قالالىق ۆيرۋس زەرتتەۋ ورتالىعىنىڭ عالىمى يۋان جيمين مالىمدەمە جاساپ, جوعارىداعى پايىم-پىكىرلەردى جوققا شىعاردى. عالىمنىڭ ايتۋىنا قاراعاندا, ۆيرۋس زەرتتەۋ لابوراتورياسىنان COVID-19 تاراۋى مۇمكىن ەمەس, وندا قاۋىپسىزدىك ماسەلەسى ەرەكشە قاداعالانعان, ەكىنشىدەن, ورتالىقتا قىزمەت اتقاراتىن بىردە-ءبىر ادام اتالمىش ىندەتپەن اۋىرعان جوق. عالىم سوڭعى پايىمىن باستى دالەل رەتىندە ۇسىنىپ وتىر.
سونىمەن قاتار عالىم اقش باسپاسوزىندە ايتىلىپ جۇرگەن بولجامدار شىندىققا جاناسپايتىنىن ايتىپ, قازاقشالاعاندا «وتىرىك وزگە جۇزبەيدى» دەگەنگە توقتالدى.