سوڭعى كەزدەرى فۋتبولدان يسپانيا لا ليگاسىندا ونەر كورسەتەتىن ءمادريدتىڭ «رەالىنىڭ» باس باپكەرى زينەدين زيدان مەن كلۋب باسشىلارى اراسىندا تۇسىنىسپەۋشىلىك تۋىنداپ وتىر دەگەن اقپارات تارادى.
ارينە, جوعارىداعى كەلەڭسىز جاعدايدىڭ قالاي شەشىمىن تاباتىنى بىزگە بەيمالىم. دەسەك تە «رەالدان» كەتكەنننىڭ وزىندە زيدانداي مىقتى ماماننىڭ جۇمىسسىز قالمايتىنى انىق. قازىردىڭ وزىندە يتاليانىڭ ا سەرياسىندا ويناپ جۇرگەن «يۋۆەنتۋستىڭ» باسشىلارى ايتۋلى باپكەردى ءوز قاتارلارىنا قابىلداۋعا ءازىر ەكەندەرىن بايقاتتى. تىپتەن, ولار زينەديندى قۇشاق جايا قارسى الامىز دەپ ەرەكشە قۇشتارلانىپ وتىر.
فرانتسيانىڭ ۇلتتىق قۇراماسى ساپىندا الەم جانە ەۋروپا چەمپيونى, الەم بىرىنشىلىگىنىڭ كۇمىس جۇلدەگەرى اتانىپ, ءۇش رەت الەمنىڭ ەڭ ۇزدىك فۋتبولشىسى دەپ تانىلعان 47 جاستاعى زينەدين زيداننىڭ باپكەرلىك كاسىپتە دە باعى جاندى. بۇل كۇندەرى «رەالدى» جاتتىقتىرىپ جۇرگەن ول اتالمىش كلۋبپەن بىرگە چەمپيوندار ليگاسىن ءۇش مارتە يەلەندى. ودان بولەك, زيداننىڭ تولىپ جاتقان باسقا دا اتاقتارى جەتەرلىك.