اقمولا وبلىسى: اۋىلداعىلار اش قالمايدى

حالىقتى ازىق-ت ۇلىكپەن قامتاماسىز ەتۋدە ەش ماسەلە تۋىنداماۋى ءتيىس. قالاداعى كوتەرمە ساۋدا نۇكتەلەرىندە ادام قاراسى بۇرىنعىعا قاراعاندا ءبىرشاما ازايعان. الايدا, تاۋاردان تاپشىلىق جوق. تەك باعا كوتەرىلگەن.

–جەرگىلىكتى اكىمدىكپەن باعانى نەگىزسىز كوتەرمەۋ جونىندە مەموراندۋمعا قول قويدىق. سوعان سايكەس ءبىزدىڭ ساۋدا ورتالىعىنا كەلەتىن ازىق-ت ۇلىك باعاسىن تۇگەل باقىلاۋعا الدىق. ساتۋشىلارعا باعانى تەك 10 پروتسەنتكە كوتەرۋگە رۇقسات ەتىلدى. ونىڭ ءوزى جولاقىنى اقتاۋ ءۇشىن,–دەيدى كوتەرمە ساۋدا نۇكتەسىنىڭ اكىمشىسى ءرازيا راحمەتوۆا. 

قازىر الىس-جاقىن اۋىلداردان كەلىپ, ازىق-ت ۇلىكتى ساتىپ الۋشى كاسىپكەرلەر قاتارى كوبەيىپتى. سەبەبى, سۇرانىس جوعارى. ويتكەنى, اۋىلدىقتار بۇرىنعىداي قالاعا وزدەرى كەلە المايدى. 

–كارانتيننىڭ ىقپالى اۋىلدارعا دا ءتيىپ وتىر. بىرىنشىدەن, رۇقسات قاعازىن الىپ جۇرۋگە تۋرا كەلەدى. ودان قالدى كوروناۆيرۋس پايدا بولعالى باعا دا كوتەرىلدى. اۋىلىمىزدا 3 دۇكەن بار. مەنىڭشە, ازىق-ت ۇلىكتەن تارشىلىق كورمەيدى,–دەيدى  اۋىل تۇرعىنى  ەسەنباي قونىسباەۆ.

كارانتين اۋىل تۇرعىندارىنا قالاي ىقپال ەتۋدە؟! بىرىنشىدەن, اۋىلداردىڭ كوبىندە نە ءدارىحانا, نە دارىگەر, ءتىپتى كەيبىر ەلدى مەكەندەردە ازىق-ت ۇلىك  دۇكەندەرى دە جوق. بولسا دا, باعاسى قىمبات دەپ شاعىنادى اۋىل تۇرعىندارى. ودان قالدى كارتامەن اقشا الاتىن بانكومات, تەلەفونعا بىرلىك سالاتىن تەرمينال دا كەزدەسپەيدى.

–اۋىلدا ازىق-ت ۇلىك الۋدا ءبىرشاما قيىندىقتار تۋىپ وتىر. بۇل اقشاسىز تولەم جۇرگىزۋگە قاتىستى. اقشامنىڭ ءبارى كارتوچكادا قالعاندىقتان, نە ىستەرىمدى بىلمەي قالدىم. اۋىلدا بانكومات جوق. سوندىقتان وسى جاعىن ويلاستىرسا عوي دەگەن ءوتىنىشىمىز بار. قازىر دۇكەندەرىمىزدە قاجەتتى دەگەن تاۋارلار بار. اۋىل تۇرعىندارىنىڭ كوبى قالاعا كەلىپ, قالاعان باعاعا قاجەتتى تاۋارلاردى الىپ ۇيرەنىپ قالعان عوي. بىراق كارانتين رەجيمىنىڭ ءتارتىبىن بۇزباۋىمىز كەرەك. سەبەبى, بۇل ءوزىمىزدىڭ قاۋىپسىزدىگىمىز ءۇشىن ماڭىزدى, دەيدى اۋىل تۇرعىنى ەلدار  بوگاپوۆ.

وسىلايشا, قالانىڭ كارانتينگە جابىلۋى اۋىل تۇرعىندارىنا دا ءوز ىقپالىن تيگىزىپ جاتىر.

اقمولا وبلىسى.