كارانتين كەزىندە كۋرەرلەردىڭ دە قىزمەتىنە سۇرانىس ارتا تۇسۋدە. «قازپوشتا» اكتسيونەرلىك قوعامى وسى سۇرانىستى قاناعاتتاندىرۋ ءۇشىن ءموبيلدى قوسىمشاسىن جەتىلدىرىپ, سايتىنا ءتۇرلى ونلاين قىزمەتتەردىڭ ۇلگىسىن جۇكتەپ جاتىر.
قوزعالىستىڭ شەكتەلۋىنە بايلانىستى زەينەتكەرلەرگە ءساۋىر ايىنىڭ زەينەتاقىلارىن ۇيلەرىنە جەتكىزىپ بەرۋدە. ال, قالعاندارىنا تولەم كارتالارىن اشىپ, اقشالارىن سول كارتاعا اۋدارىپ, كارتالاردى ۇيلەرىنە جەتكىزۋدە. ايتسە دە, مۇندا كەلەتىندەر دە از ەمەس.
–زەينەتاقىنى الۋ ءۇشىن ارنايى كارتوچكا جاساپ بەرەمىز دەيدى. قامقورلىق دەگەن وسى ەمەس پە؟ وتە ريزامىن,–دەيدى زەينەتكەر تامارا كوزلوۆا.
كارانتين كەزىندە بارلىق پوشتاشى مەن كۋرەرلەر شتاتتىق رەجيمدە جۇمىس ىستەۋدە. سونىمەن قاتار ارنايى اشىلعان سايت پەن ءموبيلدى قوسىمشا ارقىلى سالەمدەمەلەردى ۇيگە جەتكىزۋگە, كۋرەردى شاقىرىپ, جونەلتىمدى الىپ كەتۋگە تاپسىرىس بەرۋگە بولادى.
ميلليونداپ حات تاسىماسا دا, ۇساق پاكەتتەر, باندەرولدار مەن جونەلتىمدەردى كوپتەپ تاسىمالدايدى. ال كارانتين كەزىندە تىرلىگى ونسىز دا قاۋىرت پوشتاشىلاردىڭ قىزمەتى ەكى ەسە كوبەيگەن.
كولىكتەرىنە بلوك-بەكەتتەردەن وتۋگە دە ەش توسقاۋىل جوق. تەك تەكسەرۋدەن ءوتۋ ازداپ ۋاقىت الادى ەكەن.
كوكشەتاۋ قالاسى