«دۇنيەجۇزى قازاقتارىنىڭ قاۋىمداستىعى» مەن «وتانداستار قورى» م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە شەتەلدەن كەلىپ ءبىلىم الىپ جاتقان قانداس ستۋدەنتتەرمەن ونلاين-جيىن وتكىزدى.
ءىس-شاراعا «وتانداستار قورى» كەاق پرەزيدەنتى كەڭەسشىسى ديدار بولات, ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆا, م.قوزىباەۆ اتىنداعى سقمۋ «Foundation» فاكۋلتەتىنىڭ دەكانى الماگۇل اۆدولحانقىزى, «وتانداستار قورى» كەاق ءبىلىم باعىتى بويىنشا جاۋاپتى قىزمەتكەرلەرى نۇرىمجان جۇماعازيەۆ پەن الجان شاريفوۆ قاتىستى.
جيىن بارىسىندا ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆا اتالعان وقۋ ورنىنىڭ دايىندىق ءبولىمى, باكالاۆريات, ماگيستراتۋرا جانە دوكتورانتۋرادا وقيتىن ستۋدەنتتەرىن 2020 جىلعى تەستىلەۋگە قاتىستى بەكىتىلگەن وزگەرتۋلەر مەن جاڭارتۋلاردان حاباردار ەتتى.
ال «وتانداستار قورى» كەاق پرەزيدەنت كەڭەسشىسى ديدار بولات ستۋدەنتتەردىڭ توتەنشە جاعدايداعى ۇسىنىستارىمەن تانىسىپ, پەتروپاۆل قالاسىنداعى فرونت-ءوفيستىڭ جۇمىسىن باعالادى. بۇل فرونت-وفيس قانداس ستۋدەنتتەرگە جان-جاقتى قولداۋ جاساۋدا.
سونداي-اق «وتانداستار قورى» توتەنشە جاعداي كەزىندە وتكىزىلەتىن ونلاين ءىس-شارالارىنا ستۋدەنتتەردى بەلسەندى قاتىسۋعا شاقىردى. بۇعان قوسا قور قىزمەتكەرلەرى ۆولونتەر جىلىندا ەرىكتىلەرگە بەرىلەتىن مۇمكىندىكتەرگە توقتالىپ, پىكىرسايىس كلۋبى تۋرالى تولىققاندى اقپارات بەردى.