كەلەسى بەيسەنبى 23 ساۋىردە ۋەفا-نىڭ اتقارۋشى كوميتەتى بەينەكونفەرەنتسيا فورماتىندا وتىرىس وتكىزىپ, كوروناۆيرۋس پاندەمياسىنىڭ سالدارىنان تۇرالاعان فۋتبول ماۋسىمىن قالاي اياقتاۋدى تالقىلايدى.
بۇل بەينەكونفەرەنتسيا 21 ساۋىردەگى ۋەفا-نىڭ بارلىق 55 ۇلتتىق قاۋىمداستىعى باس حاتشىلارىنىڭ كەڭەسىنەن كەيىن وتەدى. سول جيىننىڭ قورىتىندىسى بويىنشا 23 ساۋىردە شەشىم قابىلدانباق.
ۋەفا-نىڭ رەسمي سايتىنىڭ بۇعان دەيىنگى مالىمەتىنە سايكەس ەۋروپانىڭ ەڭ ءدۇبىرلى دوپ دودالارىن تامىز ايىنىڭ سوڭىنا دەيىن اياقتاۋ تۋرالى يدەيا تالقىلانعان. ياعني, باسىندا 30 مامىردا ىستامبۇلدا ءوتۋى ءتيىس بولعان چەمپيوندار ليگاسى 29 تامىزعا اۋىستىرىلۋى مۇمكىن.
ولاي بولسا فينالعا دەيىنگى شيرەك فينال مەن جارتىلاي فينال ويىندارى شىلدەنىڭ سوڭى مەن تامىزدىڭ ىشىندە وتپەك. قازىر شيرەك فينالعا شىققان ءتورت كوماندا انىقتالعان. 1/8 فينالدىڭ ءالى ءتورت جۇبىنىڭ ويىنى بىتپەدى. بۇلاردىڭ ىشىندە بارىنەن مانچەستەر سيتي مەن رەال مادريد كوماندالارىنىڭ كەزدەسۋى تارتىمدى بولىپ تۇر.
سونىمەن قاتار 27 مامىرعا بەلگىلەنگەن پولشانىڭ گدانسك قالاسىنداعى ەۋروپا ليگاسىنىڭ فينالى ەندى 26 تامىزعا اۋىستىرىلۋى مۇمكىن.