وسىدان ءدال 41 جىل بۇرىن, ياعني 1979 جىلدىڭ 16 ساۋىرىندە ماسكەۋدە سامبو كۇرەسىنىڭ نەگىزىن قالاۋشىلارىنىڭ ءبىرى اناتولي حارلامپيەۆ قايتىس بولدى.
اناتولي حارلامپيەۆ 1906 جىلى سمولەنسكىدە دۇنيەگە كەلدى. ول سانالى عۇمىرىن تولىقتاي سامبو كۇرەسىن دامىتۋعا, الەمنىڭ بىرقاتار مەملەكەتتەرىندە ونىڭ كەڭىنەن قانات جايۋىنا ارنادى. ۇلى وتان سوعىسى كەزىندە مايدان شەبىندە باتىلدىعى جانە باتىرلىعىمەن كوزگە ءتۇسىپ, بىرنەشە رەت وردەن جانە مەدالدارمەن ماراپاتتالدى. قان مايداننان ورالعاننان سوڭ دا سامبونىڭ كوسەگەسىن كوگەرتۋ جولىندا تىنباي ەڭبەك ەتتى. عىلىمي ەڭبەكتەر جازىپ, كۇرەستىڭ وسى ءتۇرىن بارىنشا ناسيحاتتادى. ول 73 جاسقا قاراعان شاعىندا قايتىس بولدى.
بۇل كۇندەرى ماسكەۋدە حارلامپيەۆتىڭ اتىندا كوشە, ينستيتۋت پەن مەكتەپتەر بار. سونىمەن قاتار سامبو كۇرەسىنىڭ ءىزاشارى قۇرمەتىنە رەسەيدە جىل سايىن حالىقارالىق تۋرنير ءوتىپ تۇرادى.