كوكتەمگى سۋ تاسقىنىنىڭ الدىن-الۋ شارالارى قازىردە اتباسار مەن استراحان اۋداندارىندا قارقىندى جۇرگىزىلۋدە.
وسى اۋداندارداعى جاباي جانە كولۋتون وزەندەرىنىڭ سۋ دەڭگەيى شەكتى نورمادان اسىپ كەتتى. توتەنشە جاعداي قىزمەتىنىڭ ماماندارى, تسەلينوگراد اۋدانىنداعى قاراوتكەل, تالاپكەر جانە قوياندى اۋىلدارىنان 52 مىڭ تەكشە مەتر ەرىگەن قار سۋىن سورىپ ۇلگەردى. دامبىلار بەكىتىلىپ, ارىقتاردى تازارتۋ مىقتاپ قولعا الىنۋدا.
بۇگىندە وبلىستاعى جاباي, كولۋتون جانە سىلەتى وزەندەرىندەگى سۋ دەڭگەيى كۇرت كوتەرىلىپ كەلەدى. اتباسارعا جاقىن جەردەگى جاباي وزەنىنىڭ دەڭگەيى شەكتى نورمادان 40 سانتيمەترگە اسىپ كەتكەن. ال, استراحان اۋدانىنداعى كولۋتون وزەنىنىڭ دەڭگەيى سوڭعى 2-3 كۇندە 54 سانتيمەترگە كوتەرىلگەن. وزەنگە جاقىن ورنالاسقان كولۋتون اۋىلىنداعى ەكى ءۇيدى سۋ باسۋ قاۋپى ءتونىپ تۇر. قازىر اتالعان ەلدى مەكەندەردە توتەنشە جاعدايلار جونىندەگى دەپارتامەنتىنىڭ قۇرىلىمدارى ءتيىستى شارالاردى اتقارىپ جاتىر. ارنايى ينجەنەرلىك تەxنيكا دا سوندا.
ء–ساۋىردىڭ 14-ىندەگى جاعداي بويىنشا وبلىستاعى جاباي مەن كولۋتون وزەندەرىنىڭ سۋ دەڭگەيى كوتەرىلىپ, ەلدى-مەكەندەردى سۋ باسۋ قاۋپىن ءتونىپ تۇر. جاعداي وتە كۇردەلى,–دەيدى وبلىستىق توتەنشە جاعدايلار جونىندەگى دەپارتامەنتىنىڭ باستىعى الەكسەي سوۆەتوۆ.
وبلىستىق توتەنشە جاعدايلار جونىندەگى دەپارتامەنتىنىڭ ماماندارى بۇگىندە قاۋىپ ءتوندىرىپ وتىرعان وزەندەر مەن سۋ قويمالارىنداعى سۋ دەڭگەيىن كۇندەلىكتى باقىلاۋدا ۇستاپ, مونيتورينگ جۇرگىزۋدە. الداعى كۇندەرى جاباي, كولۋتون جانە سىلەتى وزەندەرىندەگى سۋ دەڭگەيى تومەندەيدى دەگەن بولجام بار. وڭىردەگى باسقا وزەندەردەگى سۋ دەڭگەيى قالىپتى. ايماقتاعى سۋ قويمالارىنداعى جاعداي دا تۇراقتى. ءىرى كولەمدە سۋ جىبەرۋ ازىرگە جوسپاردا جوق. قاۋىپ ءتوندىرىپ وتىرعان وزەندەردەگى گيدروبەكەتتەر تاۋلىكتىك مونيتورينگكە الىنعان.
اقمولا وبلىسى