اقمولا وبلىسىنىڭ ديقاندارى كوكتەمگى ەگىس ناۋقانىنا قاۋىرت دايىندالۋدا. ءداندى-داقىلدار تۇقىمىن سەبۋ مامىردىڭ العاشقى ونكۇندىگىنەن كەيىن باستالماق.
بيىل 4,8 ميلليون گەكتار القاپقا ءدان سەبىلمەك. جوسپارعا سايكەس 5-ءشى ماۋسىمدا كوكتەمگى ەگىس ناۋقانى تولىق اياقتالادى دەپ بولجانۋدا. وبلىستا تۇقىم جەتكىلىكتى. بيدايدان وزگە مايلى داقىلدار مەن كوكونىستەر دە ەگىلەدى. تاناپ باسىنا 14 مىڭ تراكتور, 16 مىڭ تۇقىم سەپكىش جانە 1200 ەگىن ەگەتىن كەشەن شىعارىلادى. ونىمدىلىگى جوعارى تەحنيكا جازدىق تاناپتىڭ 70 پروتسەنتىن قامتاماسىز ەتەدى.
–مەملەكەت تاراپىنان زور قولداۋ بار. 10 جىل ىشىندە تەحنيكا پاركىن تولىعىمەن جاڭارتامىز. سوڭعى ءۇش ايدىڭ ىشىندە 30 تراكتور, 9 كومباين ساتىپ الىندى. ەگىستىك كەشەندەرى, تۇقىم سەپكىشتەر, باسقا دا اۋىل شارۋاشىلىعىنا قاجەتتى تەحنيكالار الىنىپ جاتىر. ناۋرىز ايىندا 1 ميلليارد تەڭگەدەن استام ينۆەستيتسيالىق سۋبسيديا تولەدىك. وسى ايدا 4,5 ميللياردقا جەتتى. مۇنىڭ ءبارى كوكتەمگى ەگىس جۇمىستارىن وتكىزۋدە ۇلكەن قولداۋ ەكەنى ءسوزسىز,–دەيدى وبلىستىق اۋىل شارۋاشىلىعى باسقارما باسشىسىنىڭ مىندەتىن اتقارۋشى ديماش تالاسباەۆ.
ەل پرەزيدەنتىنىڭ تاپسىرماسىنا وراي وڭىردە اۋىل شارۋاشىلىعى سالاسىن قولداۋ جۇمىستارى بەلسەندى جۇرگىزىلۋدە. اقمولا وڭىرىندە 527 مىڭ توننا تۇقىم, 68 مىڭ توننا ارزانداتىلعان جانار-جاعار ماي قورى بار. كوكتەمگى ەگىس ناۋقانىن ويداعىداي وتكىزۋگە جەتكىلىكتى.
اقمولا وبلىسىنىڭ اۋىل شارۋاشىلىعى سالاسىندا 118 مىڭنان استام ادام ەڭبەك ەتەدى.