ءدال قازىر نۇر-سۇلتان قالاسىندا ءساۋىردىڭ اق جاڭبىرى سەبەلەپ تۇر. ياعني, العاشقى جاڭبىر. ءالى ەسىمدە قوزى قايىرىپ, بۇزاۋ باعاتىنداي جاسقا جەتكەن بىزدەرگە ۇلكەندەر العاش جاڭبىر جاۋعان كۇنى قالپاق-تاقيالارىڭدى الىڭدار قۇيقالارىڭا جاڭبىر سۋى ءتيسىن دەيتىن. «نەگە ولاي؟» دەيمىز عوي. جاۋاپ بىرەۋ: «دەرت-دەبىردەن قۇتىلاسىڭدار!».
سويتسەك, بۇل ۇلكەندەردىڭ وزدەرى ويلاپ تاپقان دۇنيەسى ەمەس ەكەن. ارعى جاعى قۇران-حاديستە جاتىپتى. مىسالى, قادىرلى پايعامبارىمىزدىڭ (س.ع.س) حاديس-شاريبىندە: ء«جابىرايىل (ا.س.) ماعان سونداي كەرەمەت ءدارى ۇيرەتكەنى سونشالىق ول ءدارىنىڭ ارقاسىندا ەمشىلەردىڭ دارىسىنە مۇقتاجدىق قالمايدى» دەيدى. ساحابالارى: «ول ءدارىنى بىزگە دە ۇيرەت ۋا, اللانىڭ پايعامبار!» دەيدى. پايعامبارىمىز (س.ا.س.): ء«ساۋىردىڭ جاڭبىرىن جيناڭدار. وعان 70-رەت فاتيحا سۇرەسىن, 70 رەت ىحلاس سۇرەسىن, 70 رەت فالاق سۇرەسىن, 70 رەت ناس سۇرەسىن, 70 رەت ءتاسبيح دۇعاسىن (سۋبحاناللاھي ءۋالحامدۋليللاھي) وقىپ, 7 كۇن ۇزبەي تاڭەرتەڭ جانە كەشكە ءبىر دۇركىن پايدالانىڭدار».
جوعارىداعى شاريعات ۇكىمىنە جۇگىنسەك: ءساۋىر جاڭبىرى تابيعاتتى تازالايدى. الا قىستاي قارا جەردىڭ قىرتىسىندا ۇيالاپ جاتقان ميكروپ-ۆيرۋستەردى جويىپ جىبەرەدى. ءتىپتى جان-جانۋارلاردىڭ جاراسى جازىلىپ, ءجۇنى تۇلەيدى.
سوندىقتان دا, ءبىز اللانىڭ قالاۋىمەن قازىرگى جاعدايدا جەر جاھاندى جايلاپ جاتقان كوروناۆيرۋستىڭ ىندەتىن ءساۋىردىڭ جاڭبىرى شايىپ كەتسە ەكەن دەپ تىلەپ وتىرمىز.
جوعارىداعى حاديس ۇكىمىن ەكولوگ عالىمدار دا جوققا شىعارمايدى. ويتكەنى, قارا جەردىڭ باۋىرىن بۋساندىرىپ, جەردى كوكتەتەتىن وسى ءساۋىر جاڭبىرى. بىراق, ونىڭ سۋىن پايدالانۋ ءۇشىن ول ەكولوگيالىق تۇرعىدان تازا بولۋى ءتيىس ەكەن. بۇنى دا ەسكەرگەن ءجون بولار.