ەۋروپا فۋتبول وداعى قاۋىمداستىعى (ۋەفا) چەمپيوندار ليگاسى مەن ەۋروپا ليگاسىنىڭ قالعان ماتچتارىن تامىز ايىنىڭ ءۇش اپتاسىندا وتكىزۋدى جوسپارلاپ وتىر.
وقيعانىڭ وسىلاي وربىگەن نۇسقاسىنا سايكەس, بارلىق ۇلتتىق بىرىنشىلىكتەر شىلدە ايىنىڭ سوڭىنا دەيىن اياقتالۋى ءتيىس, ال ەۋروكۋبوك ويىندارىنا قاتىساتىن كوماندالار تامىزعا دەيىن ىشكى چەمپيوناتقا الاڭداماۋى كەرەك. قازىرگى ۋاقىتتا بۇل ۇسىنىستى ۋەفا باسشىلىعى تالقىلاپ جاتىر.
چەمپيوندار ليگاسى مەن ەۋروپا ليگاسىنىڭ 1/8 ماتچتارى ناۋرىز ايىندا ۋاقىتشا توقتاتىلعان بولاتىن. ال ۋەفا 1 ساۋىردە وتكەن ونلاين وتىرىستا ەۋرودودا ويىندارى كوروناۆيرۋس پاندەمياسىنا بايلانىستى بەلگىسىز مەرزىمگە كوشىرىلگەنىن حابارلادى.
ايتا كەتەيىك, سوڭعى مالىمەت بويىنشا, الەمدە 1 856 798 ادام كوروناۆيرۋس دەرتىنە شالدىققان. ونىڭ ىشىندە 114 312 ناۋقاس قايتىس بولىپ, 428 275 ادام دەرتىنەن ايىقتى. الەمدە ەڭ كوپ اقش, يسپانيا, يتاليا, فرانتسيا جانە گەرمانيا ازاماتتارى اتالعان ىندەتكە شالدىققان.