سولتۇستىك قازاقستاندا كورونوۆيرۋسپەن قاتار 1-15 ءساۋىر ارالىعىندا «بيورەسۋرستاردى قورعاۋ» رەپۋبليكالىق جەدەل-پروفيلاكتيكالىق ءىس-شاراسى وتكىزىلۋدە. پوليتسەيلەر اڭشىلىق شارۋاشىلىعى جانە ورمان شارۋاشىلىعى قورىقشىلارىمەن تىعىز بايلانىستا جۇمىس ىستەۋدە جانە بۇل ءىس-شاراعا شەكاراشى قىزمەتكەرلەر دە تارتىلدى.
ءتارتىپ ساقشىلارى وپەراتسيا باستالعاننان بەرى اكىمشىلىك قۇقىق بۇزۋشىلىق كودەكستىڭ 383-بابى «جانۋارلار دۇنيەسىن پايدالانۋ تالاپتارىن جانە اڭ اۋلاۋ قاعيدالارىن بۇزۋ» بويىنشا 10 ادام اكىمشىلىك جاۋاپقا تارتىلعان. اڭعا شىققانداردىڭ كەيبىرەۋى قارۋمەن, ەندى ءبىرى تۇزاق جانە قاقپانمەن سايلانعاندار ەكەن.
ءبىرىنشى توقساندا سقو-دا بارلىعى 81 ادام جاۋاپقا تارتىلدى. بۇدان باسقا, زاڭسىز اعاش كەسۋ فاكتىلەرى بويىنشا سوتقا 4 اكىمشىلىك ماتەريال تاپسىرىلدى. ەكولوگيالىق قىلمىستار فاكتىلەرى بويىنشا 9 قىلمىستىق ءىس قوزعالدى. كۇدىكتىلەردەن 9 اتىس قارۋى مەن 5 سۋىق قارۋ, 35 پاترون الىندى. ەكولوگيا سالاسىندا 9 قىلمىستىق ءىس تىركەلدى. براكونەرلەردىڭ جالپى كەلتىرگەن شىعىنى 2 ملن. تەڭگەدەن اسادى ءارى بۇدان دا ارتىق بولۋى مۇمكىن, ويتكەنى ساراپتامالار ءالى اياقتالعان جوق.
پوليتسەيلەر تج رەجىمىن بۇزعانى ءۇشىن جاۋاپكەرشىلىك تۋرالى دا تۇرعىنداردى ەسكەرتۋدە. سونىڭ ىشىندە كاراتين كەزىندە تەك جاقىن جەردەگى دۇكەن مەن دارىحاناعا, جۇمىسقا بارۋعا جانە قوقىس شىعارۋعا عانا شىعۋ مۇمكىن ەكەنى ايتىلۋدا.
سولتۇستىك قازاقستان وبلىسى