قازىرگى تاڭدا جالپى 73 758 ادامنان ۆيرۋس انىقتالعان. سوڭعى ۋاقىتتا 980 ادام كوز جۇمدى. اتالعان ۆيرۋستىڭ كەسىرىنەن قايتى بولعانداردىڭ جالپى سانى — 8 958 ادام. بۇل تۋرالى مەملەكەتتىك كوميسسيانىڭ شۇعىل شتابى حابارلادى.
ال يتاليادا كوروناۆيرۋس ينفەكتسياسىن جۇقتىرعان تاعى 3 961 ادام تىركەلدى.
بۇل ەلدە ۆيرۋستى جۇقتىرعاندار سانى — 147 577. COVID-19-دان تاعى 570 ادام كوز جۇمدى. بارلىعى 18 849 ادام كوروناۆيرۋس سالدارىنان قايتىس بولدى. سونداي-اق, 1 985 ادام جازىلىپ شىقتى, ال جالپى ساۋىعىپ شىققاندار سانى — 30 455.
كورشىمىز قىرعىزستاندا COVID-19 كوروناۆيرۋس ينفەكتسياسىن جۇقتىرعان تاعى 41 جاڭا جاعداي تىركەلدى, ولاردىڭ 12-ءسى – مەديتسينا قىزمەتكەرلەرى. بۇل تۋرالى سول ەلدىڭ دەنساۋلىق ساقتاۋ ءمينيسترىنىڭ ورىنباسارى مادەمين كاراتاەۆ ءمالىم ەتتى.
ونىڭ ايتۋىنشا, بىشكەك قالاسىنان 8 دارىگەر, نارىن وبلىسىنان 1, وش وبلىسىنان 3 دارىگەر ۆيرۋس جۇقتىرعان. ەلدە COVID-19 ۆيرۋسىن جۇقتىرعان دارىگەرلەردىڭ جالپى سانى 51 ادامعا جەتتى. قىرعىزستاندا بۇگىن تاڭەرتەڭگى مالىمەت بويىنشا COVID-19 كوروناۆيرۋس ينفەكتسياسىن جۇقتىرعان 339 جاعداي تىركەلگەن. بەس ادام ۆيرۋستان كوز جۇمعان.