توكيو وليمپياداسى ۇيىمداستىرۋ كوميتەتىنىڭ ديرەكتورى توسيرو مۋتو تورتجىلدىقتىڭ باستى باسەكەسى كەلەسى جىلى دا وتپەي قالۋى مۇمكىن ەكەنىن ايتتى.
«كەلەر جىلدىڭ شىلدە ايىنا دەيىن بۇكىل الەم پاندەميانى باقىلاۋدا ۇستاي الادى دەپ ەشكىم سەنىممەن ايتا المايدى. سوندىقتان ءبىز دە سىزدەرگە ناقتى جاۋاپ بەرە المايمىز.
جۋىردا وليمپيا ويىندارىن ءبىر جىل كەيىنگە شەگەرۋگە شەشىم قابىلداعان بولاتىنبىز. سول ءۇشىن دە 2021 جىلعى وليمپيادانى ۇيىمداستىرۋعا بار كۇشىمىزدى سالىپ جاتىرمىز. ءبىز كەلەسى جىلى ادامزات كوروناۆيرۋس كريزيسىن جەڭەتىنىنە سەنگىمىز كەلەدى.
بالاما جوسپارلار تۋرالى ويلاۋدىڭ قاجەتى جوق دەپ ەسەپتەيمىن. بار كۇشىمىزدى دايىندىققا جانە قازىرگى ماسەلەلەردى شەشۋگە جۇمساۋىمىز قاجەت. ادامزات بۇل ىندەتتى جەڭۋ ءۇشىن بار ءبىلىمىن پايدالانۋى كەرەك», دەيدى توسيرو مۋتو.
ايتا كەتەيىك, بۇعان دەيىن حالىقارالىق وليمپيادا كوميتەتى مەن توكيو وليمپياداسىنىڭ ۇيىمداستىرۋ كوميتەتى كوروناۆيرۋس پاندەمياسىنا بايلانىستى 2020 جىلعى جازعى وليمپيا ويىندارىن 2021 جىلعا اۋىستىرعان بولاتىن.