تەرىسكەيدەن جەتكەن تسيكلوننىڭ نەمەسە حالىق «جىندى بوران» دەپ اتايتىن قاتتى جەلدىڭ كەسىرىنەن ازىق-ت ۇلىك اكەلە جاتقان الماتىلىق ەكى فۋرا دا جولدان تايىپ كەتەدى.
ولارعا «جەزقازعان-پەتروپاۆل» تاس جولىندا كەزەكشىلىكتە جۇرگەن پوليتسيا كىشى لەيتەنانتتارى مەيرام قازيەۆ پەن باحتيار الپىسباەۆتىڭ پاترۋلدىك ەكيپاجى العاشقى بولىپ قول ءۇشىن سوزدى. ءتارتىپ ساقشىلارى الدىمەن سولتۇستىك قازاقستان وبلىسىنىڭ تيميريازەۆ اۋدانىنا اۋىل شارۋاشىلىعى ونىمدەرىن الىپ قايتۋ ءۇشىن بارا جاتقان فۋرانىڭ باتىپ تۇرعانىن بايقايدى. پوليتسيا قىزمەتكەرلەرى جاقىن ماڭداعى «ۇزىنجار» اۋىلىنداعى «قازسۋشار» رەسپۋبليكالىق كاسىپورنىنىڭ «ەسىل سۋ» فيليالىنان «ك-700» تراكتورىن بولگىزىپ, الماتىلىق جۇرگىزۋشىنى تاس جولعا شىعارادى.
وسى وقيعادان ءبىر كۇن وتكەندە سولتۇستىك قازاقستان وبلىسى ارقىلى قوستاناي قالاسىنا كەتىپ بارا جاتقان ەكى ۇلكەن جۇك كولىگى جامبىل اۋدانى اۋماعىندا اق تۇتەك بورانعا تاپ بولىپتى. الاي-دۇلەي سوققان جەلدىڭ ەكپىنى بوس كەلە جاتقان فۋرالاردى جول ۇستىنەن ىسىرعان. ءبىر فۋرانىڭ ارتقى بولىگى جول ۇستىنەن شىعىپ كەتكەن. كولىك بىردەن توقتاپ, ورنىنان قوزعالا الماي قالادى. قولدارىندا تروستارى بولماي قالعان الماتىلىقتار 102 ارناسىنا حابارلاسىپتى. وقيعا ورنىنا پوليتسيا كاپيتانى ءامىرجان توققوجين مەن پوليتسيا كىشى لەيتەنانتى عابيت ءسابيت مىنگەن پاترۋلدىك ەكيپاج كەلگەن. ولار «پرەسنورەدۋت» اۋىلىنداعى شارۋا قوجالىعىنىڭ جەتەكشىسى ماكسيم تۋرنوۆتان ك-701 تراكتورىن الدىرىپ, جۇرگىزۋشىلەردى قوستاناي وبلىسىنىڭ شەكاراسىنداعى بلوك-بەكەتكە دەيىن جەتكىزىپ سالعان.
«كارانتين كەزىندە تراسسالاردا كولىك سانى ازايدى», - دەيدى سقو پد پاترۋلدىك پوليتسيا باتالونىنىڭ كومانديرىنىڭ ورىنباسارى پوليتسيا كاپيتانى ءۋاليحان ورازالين. «پەتروپاۆل قالاسى مەن اۋدان ورتالىقتارى جابىق. تەك ترانزيتتىك كولىكتەر مەن حالىقتىڭ قاجەتتىلىگى ءۇشىن ازىق-ت ۇلىك, تاۋارلار تاسىمالدايتىن اۆتوكولىكتەر عانا وتە الادى. سونداي-اق, ەلدى مەكەندەردىڭ ءومىرى ءۇشىن ماڭىزدى وبەكتىلەردە جۇمىس ىستەيتىن ازاماتتارعا رۇقسات بەرىلگەن. بىراق پاترۋلدىك پوليتسيا قىزمەتكەرلەرى جول ۇستىندەگى ءتارتىپتى بۇرىنعىداي قامتاماسىز ەتىپ, جاعدايدى باقىلاۋدا», دەدى ول.