تۇركىستان وبلىسىندا اۆتوموبيل جولدارى مەن ەلدى مەكەن كوشەلەرىنىڭ جالپى ۇزىندىعى 16 500-دەن استام شاقىرىمدى قۇرايدى. جەرگىلىكتى ماڭىزى بار اۆتوموبيل جولدارىنىڭ جاقسى جانە قاناعاتتانارلىق جاعدايداعى ۇلەسى وتكەن جىلى 74,1% قۇراسا, بيىل 77,6%-عا جەتكىزۋ كوزدەلۋدە. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتى حابارلادى.
2019 جىلى 1 740-قا جۋىق شاقىرىم جول مەن كوشەلەرگە قۇرىلىس-جوندەۋ جۇمىستارى ءجۇرىپ, 1 300-دەي شاقىرىمى پايدالانۋعا تاپسىرىلدى. 2020 جىلى قۇرىلىس-جوندەۋ جۇمىستارىمەن 917,9 شاقىرىم جول مەن كوشەلەردى قامتۋ كوزدەلۋدە. جىل قورىتىندىسىمەن 605,6 شاقىرىمى پايدالانۋعا بەرىلمەك.
وبلىس ورتالىعى - تۇركىستان قالاسى بويىنشا كوشەلەردىڭ جالپى ۇزىندىعى 845 شاقىرىمدى قۇرايدى. بىلتىر 86,4 شاقىرىم كوشەلەردە جوندەۋ جۇمىستارى جۇرگىزىلىپ, جاقسى جانە قاناعاتتى جاعدايداعى ۇلەسى 33,6%-عا جەتتى. بيىل 135,5 شاقىرىم كوشەگە جوندەۋ جۇمىستارىن جۇرگىزۋ جوسپارلانۋدا. اعىمداعى جىلدىڭ شىلدە ايىندا اتالعان جۇمىستار تولىعىمەن پايدالانۋعا بەرىلەتىن بولادى. تۇركىستان قالاسىندا جاقسى جانە قاناعاتتى جاعدايداعى كوشەلەر ۇلەسىن 49,4%-عا ارتتىرۋ كوزدەلۋدە.