وڭىرلىك كوممۋنيكاتسيالار قىزمەتىنىڭ حابارلاۋىنشا, اتىراۋ وبلىسى تۇرعىندارىنىڭ كوپشىلىگىن تولەۋ مەرزىمى شەگەرىلگەن نەسيەلەر, سالىقتان بوساتۋ, سونداي-اق, الەۋمەتتىك تولەمدەرگە قاتىستى ماسەلەلەر تولعاندىرادى.
ديسپەتچەرلىك ورتالىققا 2 اپتادا تۇرعىنداردان 10 مىڭعا جۋىق ءوتىنىش تۇسكەن. ونىڭ ىشىندە بايلانىس ورتالىعىنا 7 مىڭعا جۋىق جۋىق ساۋال, 87750006109 WhatsApp نومىرىنە 2 مىڭداي حابارلاما, 109 تەلەفون نومىرىنە شامامەن 1 مىڭ قوڭىراۋ قابىلدانعان.
«حالىقتىڭ ءجيى قوياتىن سۇراقتارىنىڭ ءبىرى – نەسيە تولەمدەرىن كەيىنگە قالدىرۋ, سالىقتان بوساتۋ, الەۋمەتتىك تولەمدەردى تولەۋ. وسىعان وراي تۇرعىنداردان تۇسكەن 3700 ساۋال وڭدەلدى.
ەكىنشىسى – كوروناۆيرۋستىڭ العاشقى بەلگىلەرىن تۇسىندىرۋگە قاتىستى. الدىن الۋ, توتەنشە جاعداي كەزىندەگى كارانتين جانە شەكتەۋ شارالارى جونىندە 860 ساۋال ءتۇستى.
ءۇشىنشىسى – اۋە جانە تەمىرجول قاتىناسى, جولاۋشىلار تاسىمالى ماسەلەسى. تۇرعىندار وسىعان وراي 840 سۇراق قويدى» -دەپ حابارلادى وڭىرلىك كوممۋنيكاتسيالار قىزمەتى.
جۇماسات عازيز