نۇر-سۇلتان قالاسىنداعى ءدىن ماسەلەلەرىن زەرتتەۋ ورتالىعى ءدىني ساۋالدار بويىنشا اقپاراتتىق-ءتۇسىندىرۋ دارىستەرىن 1 ساۋىردەن باستاپ تىكەلەي ەفير ارقىلى جۇرگىزۋدە, دەپ حابارلادى نۇر-سۇلتان اكىمدىگىنىڭ ءباسپاسوز قىزمەتى.
تىكەلەي ەفير ساعات 17:00-دە ورتالىقتىڭ ينستاگرام جەلىسىندەگى @elorda_cipr پاراقشاسىندا وتەدى. 7 ءساۋىر كۇنگى ونلاين-لەكتسيانى تەولوگ جانداۋلەت سۇلەيمەنوۆ وتكىزەدى.
تاقىرىپ دەسترۋكتيۆتى ءدىني اعىمدار جايىندا ءوربيدى. ەفير بارىسىندا دەسترۋكتيۆتى ءدىني اعىمنىڭ قاۋپى جانە ونىڭ قۇربانى بولماۋ تۋرالى ءسوز قوزعالادى. كوپشىلىك قاۋىم وزدەرىن تولعاندىرعان ساۋالدارعا جاۋاپ الا الادى.