18 ساۋىردە اقش-تىڭ نيۋ-يورك قالاسىندا ەرەجەسىز جەكپە-جەكتەن وتەتىن تۋرنيردە رەسەيلىك حابيب نۇرماگومەدوۆتىڭ ورنىنا امەريكالىق دجاستين گەتجيدىڭ شىعاتىنى جايىندا UFC باسشىلارى رەسمي تۇردە مالىمدەدى. ال سپورتشى جايىندا ءبىز نە بىلەمىز؟
31 جاستاعى اقش-تىڭ اريزونا شتاتىنىڭ تۋماسى جەڭىل سالماقتاعىلار اراسىندا UFC رەيتينگىندە ءتورتىنشى ورىندا تۇر. سپورتتىق كارەراسىن 2011 جىلدىڭ تامىز ايىندا باستاعان ول سول كەزدەن بەرى 23 كەزدەسۋ وتكىزىپ, 21 رەت جەڭىس تويىن تويلادى. گەتجي تەك ءوزىنىڭ وتانداستارى – ەددي الۆارەس پەن داستين پورەدەن عانا ۇتىلدى. سوڭعى ءۇش جەكپە-جەگىن دجاستين جەڭىسپەن اياقتادى. بۇل رەتتە دجەيمس ۆيك, ەدسون باربوزا جانە دونالد سەررونەدەن باسىم ءتۇستى.
نيۋ-يوركتەگى جەكپە-جەك كەشىندە دجاستين گەتجي توني فەرگيۋسونمەن ايقاسادى. 36 جاستاعى كاليفورنيا شتاتىنىڭ تۋماسى كۇنى بۇگىنگى دەيىن 28 رەت وكتاگونعا شىعىپ, 25 رەت جەڭىسكە جەتتى.