ءۇندىستان ۇكىمەت باسشىسى نارەندرا موديدىڭ ۇكىمىمەن ەل اۋماعىنا جولاۋشى تاسىمالدايتىن بارلىق پويىز جۇمىسىن توقتاتتى. وعان سەبەپ, باياعى كوروناۆيرۋس. بۇگىنگى تاڭدا اتالمىش مەملەكەتتە 4400-دەن استام ادام ىندەت جۇقتىرسا, ولاردىڭ 120-سى باقيلىق بولعان. حالىق سانى 1.3 ميللياردقا جەتكەن ۇندىلىكتەر ءۇشىن وقىس كەلگەن دەرت وڭعايعا سوقپايتىن ءتۇرى بار.
ەگەر ۆيرۋس جۇقتىرۋ قارقىنى وسى ەكپىنمەن كەتە بەرسە, اۋرۋلاردى وقشاۋلاپ ەمدەيتىن ورىن جەتىسپەۋى انىق. سول سەبەپتى, ۇكىمەت بارلىق جولاۋشى پويىزدارىن قاڭتارىپ قويىپ, ونداعى ۆوگانداردى 20 مىڭ ادامعا ىڭعايلاستىرعان ۋاقىتشا اۋرۋحانا جاساۋعا كوشتى.
ءدال قازىر ەلدىڭ تۇكپىر-تۇكپىندە وسىنداي 125 ۆوگان-اۋرۋحانا دايىن تۇرسا, الداعى ەكى اپتا ىشىندە 5000 توسەكتىك تاعى بىرنەشە ەمدەۋ ورنى جاسالىنباق. وندا مەدبيكەلەر بولمەسى, دارىگەردىڭ جەكە كابينەتى, سونداي-اق ەمدەۋ قۇرالدارىن ساقتايتىن ورىن بولادى.
نەگىزىنەن العاندا ءۇندىستاننىڭ تەمىر جول جۇيەسى كولەمى جاعىنان الەمدە 4-ءشى ورىندا. 7349 بەكەت اراسىنا قاتىنايتىن شويىن جولدىڭ ۇزىندىعى جەر شارىن ەكى ورايتىنداي دارەجەدە.
–مۇنداي اۋرۋحانالاردىڭ تاعى ءبىر ءتيىمدى تۇسى - دەيدى تەمىر جول جۇيەسىنىڭ كوپشىلىكپەن بايلانىس دەپارتامەنتىنىڭ باسشىسى راجەش دۋتت باجپەي مىرزا, ىندەت وشاعى كوبەيگەن جەرگە اۋرۋحانا ءوزى كوشىپ بارا الادى.