فۋتبولدان ءتۋريننىڭ «يۋۆەنتۋس» كلۋبىنىڭ شابۋىلشىسى پاۋلو ديبالىنىڭ كورونوۆيرۋسقا تاپسىرعان ءۇشىنشى تەستى وڭ ناتيجە بەردى.
يتاليالىق باق وكىلدەرىنىڭ حابارلاۋىنشا, بۇل تۋرالى فۋتبولشىنىڭ سۇيىكتىسى وريانا ساباتيني مالىمدەگەن. «21 ناۋرىزدا ءبىز تاپسىرعان تەست وڭ ناتيجە كورسەتكەن بولاتىن. كەيىن ارادا ءۇش كۇن وتكەندە ءبىزدىڭ قان تالدامالارىمىزدا ۆيرۋستىڭ جوق ەكەنى انىقتالدى. ءسويتىپ ءبىز ءۇشىنشى رەت تەست تاپسىرعاندى ءجون كوردىك. ءۇشىنشى تەست قايتا وڭ ناتيجە بەردى. شىنىن ايتقاندا, بۇل تەستتىڭ قالاي جۇمىس ىستەيتىنىن بىلمەي دال بولىپ وتىرمىز», دەيدى ساباتيني.
وسى كۇنگە دەيىن «يۋۆەنتۋستىڭ» ءۇش فۋتبولشىسىنان كوروناۆيرۋس ىندەتى انىقتالدى. ولاردىڭ اراسىندا ديبالادان بولەك, كوماندانىڭ فرانتسيالىق جارتىلاي قورعاۋشىسى بلەز ماتيۋيدي مەن يتاليالىق قورعاۋشى دانيەلە رۋگاني بار. ال جالپى دۇنيەجۇزى بويىنشا 30-دان اسا فۋتبولشى كوروناۆيرۋس جۇقتىرعان.