سولتۇستىك قازاقستان وبلىسىنداعى شال اقىن اۋدانىندا ەسىل مەرزىمىنەن بۇرىن تاسىپ كەتتى. قازىر وسىنداعى سەرگەەۆ سۋ قويماسىنىڭ گۇرىلى ادامنىڭ تۇلا-بويىن تۇرشىكتىرىپ, بىرنەشە شاقىرىم جەردەن ەستىلەدى.
كەشە وبلىستىق تج دەپارتامەنتىنىڭ قۇراما وتريادى قۇتقارۋ جۇمىستارىن جۇرگىزۋ ءۇشىن قىزىلجاردان سەرگەەۆكاعا اتتاندى. قۇراما وتريادتىڭ ساپىندا 8 ورتسوندىرگىش قۇتقارۋشىلار جانە كەز كەلگەن جولدا باتپايتىن 2 اۆتوكولىك بار. ارينە, بۇلاردىڭ كۇشىمەن تابيعاتتىڭ جويقىن كۇشىن توقتاتۋ قيىن, بىراق بۇلار جەرگىلىكتى اتقارۋشى بيلىكتىڭ قاراماعىنداعى قۇتقارۋشىلار كۇشىنە قوسىمشا كومەك بەرەدى.
قۇراما وتريادتى ازاماتتىق قورعانىس پولكوۆنيگى نۇرلان ق ۇلىباەۆ شىعارىپ سالدى. «سىزدەردىڭ قىزمەتتەرىڭىز سۋ تاسقىنى كەزىندە ادامداردى قۇتقارۋ جانە ولاردىڭ قاۋىپسىز جەرگە اۋىسۋىنا جاردەمدەسۋ», دەدى ول قۇرامانىڭ الدىندا سويلەگەن سوزىندە.
بۇعان دەيىن وسىنداي قۇراما وتريادتار ع.مۇسىرەپوۆ, ايىرتاۋ جانە ءۋاليحانوۆ اۋداندارىنا اتتاندىرىلعان. ولار جەرگىلىكتى جەرلەردە سۋدىڭ جايىلماي, اعىپ كەتۋى ءۇشىن جولدارىن ارشىپ, جەرگىلىكتى تۇرعىندارعا ۇلكەن كومەك جاساپ جاتىر.
سولتۇستىك قازاقستان وبلىسى