ءۇندىستاننىڭ رايپۋر قالاسىندا ەكى ەگىز دۇنيەگە كەلىپ, ولارعا «كورونا» جانە «كوۆيد» دەگەن جاڭا ەسىمدەر بەرىلدى.
ەگىزدەردىڭ 27 جاسار اناسى ءرتى اقپارات اگەنتتىگىنە بەرگەن سۇحباتىندا: «مەنىڭ ەگىز نارەستە تاپقانىما تاڭىرقاعان اكۋشەرلەر «كورونا جانە كوۆيد سياقتى ەكەۋ كەلدى» دەپ ازىلدەدى. وسى وقيعا بالالارىما ىندەتتىڭ اتىن قويۋىما تۇركى بولدى. مۇنداعى ماقسات-نيەتىم: جاھاندى جايلاپ بارا جاتقان دەرتتىڭ بەتى قايتسىن دەگەن ىرىم. الداعى ۋاقىتتا ەسىمدەرىن وزگەرتتەۋىم دە مۇمكىن. ەڭ باستىسى, ىندەتتەن حالقىم, جۇرتىم امان بولسىنشى», - دەپتى.
راسىندا, بۇل ەلدە ءدال قازىر ىندەت جۇقتىرۋشىلار سانى كۇننەن-كۇنگە كوبەيىپ كەلەدى. ءبىر تاۋلىك بۇرىنعى مالىمەتكە جۇگىنسەك, 2567 ادام دەرت جۇقتىرىپ, ءولىم-ءجىتىم سانى 70-تەن اسقان كورىنەدى.