بۇگىن قاراعاندى وبلىسىندا 5 ادامنان COVID-19 بەلگىلەرى تابىلدى, دەپ حابارلادى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى. بۇل ناۋقاستاردىڭ ءبارى دە كۇنى كەشە وسى دەرتتەن كوز جۇمعان قاراعاندى قالاسىنىڭ تۇرعىنىمەن قارىم-قاتىناستا بولعاندار ەكەن.
ينفەكتسيا جۇقتىرعانداردىڭ اراسىندا 13 جاستاعى بالا دا بار.
«قازىرگى تاڭدا كوروناۆيرۋس ينفەكتسياسىنان قازا تاپقان اداممەن بايلانىستا بولعان 200 تۇرعىن انىقتالدى. ولار پروۆيزورلىق جانە كارانتيندىك ستاتسيونارلارعا جاتقىزىلدى. بارلىعىنان سىناما الىنىپ, زەرتحانالىق تەكسەرۋگە جىبەرىلدى. وزگە دە بايلانىستا بولعان تۇرعىنداردى انىقتاۋ ماقساتىندا ەپيدەميولوگيالىق تەكسەرۋ جۇمىستارى جالعاسۋدا», دەپ حابارلادى وبلىستىق دەنساۋلىق ساقتاۋ باسقارماسى.
بيىلعى جىلدىڭ 4 ساۋىرىنە دەيىنگى ەپيدەميولوگيالىق جاعداي بويىنشا, قاراعاندى وبلىسىندا كوروناۆيرۋس ينفەكتسياسى انىقتالعان تۇرعىنداردىڭ جالپى سانى 27 ادامعا جەتتى. ولاردىڭ بىرەۋى قايتىس بولدى. قالعان 26 ناۋقاس ءتيىستى ەم-دوم الىپ جاتىر. دارىگەرلەر ولاردىڭ دەنساۋلىق جاعدايىنىڭ قالىپتى دەڭگەيدە ەكەنىن ايتادى.
قاراعاندى وبلىسى