حالىقارالىق ۆەلوسيپەدشىلەر وداعى (UCI) 2020 جىلعى جارىستار تىزبەگىن 1 ماۋسىمعا دەيىن توقتاتتى. بۇل تۋرالى ۇيىمنىڭ رەسمي سايتى حابارلادى دەپ جازادى Olympic.kz.
اتالعان شەشىم ۆەلوسپورتتىڭ بارلىق تۇرلەرىنە جانە بارلىق ساناتتاعى سپورتشىلارعا قاتىستى. ايتا كەتەلىك, UCI كوروناۆيرۋس ىندەتىنە بايلانىستى 3 ساۋىرگە دەيىنگى تۋرنيرلەردى توقتاتقان بولاتىن.
سونىمەن قاتار جاڭا ماۋسىمداعى ۆەلوجارىستار كەستەسىنە ايتارلىقتاي وزگەرىس ەنگىزىلەدى. ۇيىم ەكى گراند-تۋر مەن كلاسسيكالىق جارىستاردى وتكىزۋگە مۇددەلى.
بۇعان دەيىن حالىقارالىق ۆەلوسيپەدشىلەر وداعى مامىر ايىندا يتاليادا وتەتىن ءداستۇرلى «دجيرو د'يتاليا» كوپكۇندىگى كوروناۆيرۋس سالدارىنان بەلگىسىز مەرزىمگە كەيىنگە قالدىرعان ەدى.
2020 جىلدىڭ 11 ناۋرىزىندا دۇنيەجۇزىلىك دەنساۋلىق ساقتاۋ ۇيىمى كوروناۆيرۋستى پاندەميا دەپ جاريالادى. وسىعان وراي, الەم ەلدەرى كارانتينگە جابىلىپ, سپورتتىق جارىستار توقتاتىلدى.