ورال قالاسىنداعى «Navat» مەيرامحاناسى ورال قالالىق جول پوليتسياسى باتالونىمەن بىرلەسىپ قايىرىمدىلىق اكتسياسىن وتكىزدى. كارانتين ورتالىقتارىنداعى مەديتسينا قىزمەتكەرلەرى مەن بلوك-بەكەتتەردە تۇرعان پوليتسيا قىزمەتكەرلەرىنە مەيرامحانادا دايىندالعان ءدامدى پالاۋ تاراتىلدى.
«بۇكىل ەلىمىز, ءتىپتى بۇكىل ادامزات ءۇشىن سىناق بولعان وسىناۋ قيىن كەزەڭدە اينالامىزعا ازىراق شۋاق, ءبىز ءۇشىن باسىن قاتەرگە تىگىپ, قاۋىپتى دەرتپەن كۇرەسىپ جۇرگەن جاندارعا قۇرمەتىمىزدى كورسەتكىمىز كەلدى» دەيدى مەيرامحانا وكىلى.
بۇل اكتسيانى دارىگەرلەر دە, پوليتسيا قىزمەتكەرلەرى دە وتە جىلى قابىلداپ, شىنايى العىس ءبىلدىردى. باتىس قازاقستان وبلىستىق پوليتسيا دەپارتامەنتىنىڭ باستىعى, پوليتسيا گەنەرال-مايورى ماقسۇتحان ءابىلازىموۆ الەۋمەتتىك جەلى ارقىلى مەيرامحانا ۇجىمىنا العىس ايتتى.
-قايىرىمدىلىق - حالقىمىزدىڭ ەڭ ىزگى قاسيەتتەرىنىڭ ءبىرى. «جاناشىرلىققا جان ريزا» دەگەندەي, حالقىمىز كومەككە مۇقتاج ادامعا كومەك كورسەتىپ, قايىرىمدىلىق جاساۋدى, ۇلكەندى قۇرمەتتەۋدى, مۇگەدەكتەردى قولداپ-قورعاۋدى ءاربىر قايىرىمدى ادامنىڭ ادامگەرشىلىك بورىشى دەپ سانايدى. بۇگىنگى كۇنى كارانتين كەزىندە سىرتقا شىعۋ مۇمكىندىگى بولماعان ادامدارعا, ونىڭ ىشىندە قاريالارعا دا ازىق-ت ۇلىك, كۇندەلىكتى كەرەك-جاراقپەن كومەك كورسەتىپ جۇرگەن ازاماتتارىمىز دا از ەمەس. بۇل يگى ىستەرى كوپكە ۇلگى بولارى ءسوزسىز. بۇگىن بلوك بەكەتتەردە قىزمەت اتقارىپ جۇرگەن پوليتسيا جانە مەديتسينا قىزمەتكەرلەرىنە ىستىق تاماق جەتكىزىپ, ءوز ىقىلاسىن بىلدىرگەن قالامىزداعى جەكە كاسىپكەر «NAVAT» مەيرامحاناسىنىڭ يەسى راحماتۋللين رينات راشيت ۇلىنا جانە ونىڭ قىزمەتكەرلەرىنە ءوز اتىمنان جانە جەكە قۇرام اتىنان العىسىمدى بىلدەرىمىن. ەلدەگى اۋىزبىرشىلىكتى نىعايتۋعا قوسقان ۇلەسىڭىز ءۇشىن وتباسىڭىزعا اماندىق جانە بەرەكە-بىرلىك تىلەيمىن, - دەيدى گەنەرال.
باتىس قازاقستان