كۇللى جاھان جۇرتشىلىعىن جاپپاي دۇرلىكتىرىپ, از ۋاقىت ىشىندە الەم ەلدەرىن ابىگەرگە تۇسىرگەن جۇقپالى دەرت - شيرەك عاسىر ىشىندە ىرگەسىن بەكىتىپ, وركەنيەت كوشىنە ىلەسكەن ەڭسەلى ەلىمىزدى دە اينالىپ وتپەدى.
وسىنداي قىسىلتاياڭ شاقتا, اتادان قالعان اسىل قاسيەتتەردى ازىق ەتىپ, سابىر مەن ساقتىقتى سانامىزعا تەرەڭ سىڭىرسەك قانا دۇربەلەڭ تۋعىزعان قاۋىپتى دەرتتەن ارىلامىز. ەڭ اۋەلى, ءتونىپ تۇرعان توتەنشە جاعدايدا ادال ريزىقتى ارقاۋ ەتۋگە شاقىرامىن. ۇلتىمىزدىڭ ۇلى اقىنى اباي قۇنانباي ۇلى ءوزىنىڭ 33-قارا سوزىندە «الداۋ قوسپاي ادال ەڭبەگىن ساتقان قولى ونەرلى – قازاقتىڭ اۋليەسى سول» دەپ تازا نيەتپەن جاسالعان ادال ەڭبەكتىڭ قۇنىن جوعارى قويعان. بۇگىنگى كۇنى توتەنشە جاعدايدى قالتاسىنىڭ قامى ءۇشىن پايدالانىپ, بازارلار مەن دۇكەندەردە الەۋمەتتىك ماڭىزى بار تاۋارلار مەن ازىق-ت ۇلىكتەردىڭ, ءدارى-دارمەك پەن بەتپەردەلەردىڭ باعاسىن نەگىزسىز كوتەرۋ دەرەكتەرى ءجيى ورىن الۋدا. مۇندايدا قۇلقىننىڭ ق ۇلى بولۋعا ەمەس, حالىققا ادال قىزمەت قىلۋعا ۇمتىلۋىمىز اسا ماڭىزدى بولىپ وتىر. تۇركى الەمىنىڭ كومبە تاريحىندا اتاقتى بىلگە قاعان اتانعان كۇلتەگىن بابامىز سوناۋ ىقىلىم زاماننىڭ وزىندە «حالقىنا بەگى, بەگىنە حالقى سەنگەن ەل ۇزاقتاۋ جاسايدى» دەپ حالىق پەن مەملەكەت اراسىندا ورناعان سەنىمنىڭ سارقىلماس قۋاتقا يە ەكەندىگىن بىلدىرگەن. راسىندا, مەملەكەت ساياساتىنا رۋحاني سەنىم بولماعان جەردە, ناتيجەلى ءىستىڭ بوي كورسەتۋى دە ەكىتالاي ەكەندىگى بەلگىلى. سول ءۇشىن دە, توتەنشە جاعدايدا قابىلدانعان شەشىمدەر مەن باستامالاردىڭ بارلىعى تەك حالىقتىڭ قامى مەن ەل ازاماتتارىنىڭ ساۋلىعى ءۇشىن جاسالىپ جاتقاندىعىنا سەنىم ءبىلدىرۋىمىز قاجەت.
جەر بەتىندەگى ءتۇرلى حالىقتارمەن ءتىلىمىز دە, ءدىنىمىز دە, ءدىلىمىز دە, ءتۇرىمىز دە بولەك بولعانمەن, ورتاق ءبىر دۇنيەمىز بار. ول جۇمىر ەت جۇرەگىمىزدەن توگىلەتىن – مەيىرىمدىلىك قاسيەتىمىز. مەيىرىمدىلىك پەن راحىمدىق قانا الەم حالقىن ءبىر ارنادا توعىستىرادى. وسىنداي ساتتە, جۇرەگىمىز مەيىرىمگە, كوڭىلىمىز كەڭپەيىلدىلىككە تۇنىق بولعانى ءجون. وسى ورايدا سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ قىزمەتكەرلەرى «مەيىرىمدىلىك نۇرى» ناۋقانى اياسىندا قولعا العان يگى باستامانى جالعاستىرىپ, ۇجىم ءوز قامقورلىعىنا العان ارىس قالاسىنداعى ت.تاجىباەۆ اتىنداعى وتباسىلىق ۇلگىدەگى بالالار اۋىلىنا ارنايى باردى. تاربيەلەنۋشىلەردى جۇقپالى ىندەتتەن قورعايتىن مەديتسينالىق قورعانىس قۇرالدارىمەن قامتاماسىز ەتتى. مۇنداي يگىلىكتى باستامالار الداعى ۋاقىتتا دا ءوز جالعاسىن تاباتىن بولادى. سوندىقتان, قىسىلتاياڭ شاقتا ءبىر-بىرىمىزگە قوعام بولىپ قولداۋ كورسەتۋدە مەيىرىمدىلىكتىڭ جارقىن ۇلگىسى بولايىق.
ەل اۋماعىندا جاريالانعان توتەنشە جاعداي تالاپتارىن ورىنداماي, سالعىرتتىق تانىتىپ, كوپشىلىك ورىنداردى ەركىن كەزىپ, باسقا ايماقتا توي تويلاپ جۇرگەن ەل ازاماتتارى دا بارشىلىق, وكىنىشكە قاراي. ءبىرى ساۋدا ورنىن كورەر كوزدەن جاسىرىپ اشسا, ەندى ءبىرى نەگىزسىز تاۋار باعاسىن وسىرۋمەن الەك. وسىنداي ولقىلىقتار مەن قۇقىق بۇزۋشىلىقتارعا جول بەرمەۋ ءۇشىن دەپارتامەنت جانىنان ارنايى مونيتورينگتىك توپ قۇرىلعان بولاتىن. وڭىردە تاۋلىك بويى جۇرگىزىلىپ جاتقان ساقتانۋ شارالارىنىڭ قاتاڭدىعىن باقىلاپ, بلوك-بەكەتتەر مەن تەمىرجول ۆوكزالىنا, ورتالىق بازارلار مەن حالىق كوپ شوعىرلانعان ورىندارعا جۇرگىزىلگەن مونيتورينگتىك باقىلاۋ بارىسىندا بازارلاردا كورشى وبلىستاردىڭ كوتەرمە ساتىپ الۋشىلارىنىڭ ءىرى كولەمدە ازىق-ت ۇلىكتى سىرتقا اكەتۋى نەگىزىندە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى 40-60 پايىزعا قىمباتتاپ, تاۋار تاپشىلىعى ورىن العاندىعى انىقتالدى. وسىعان بايلانىستى, بۇگىنگى كۇنى ازىق-ت ۇلىك باعاسىن تۇراقتاندىرۋ بويىنشا قۇرىلعان جەدەل ءموبيلدى توپ ناقتى شارالار اتقارۋدا.
حاكيم كوشقاليەۆ,
سىبايلاس جەمقورلىققا قارسى ءىس-قيمىل اگەنتتىگى
تۇركىستان وبلىسى بويىنشا دەپارتامەنتىنىڭ باسشىسى, 3-سىنىپتى مەملەكەتتىك ادىلەت كەڭەسشىسى.