وڭىردەگى كوروناۆيرۋسپەن كۇرەس مايدانىنا قاراعاندى وبلىسىنىڭ قازاقستان حالقى اسسامبلەياسىنىڭ مۇشەلەرى دە سۇبەلى ۇلەس قوسۋدا.
مىسالى, «قازاقستاننىڭ تاتار جانە باشقۇرت كونگرەسى» رەسپۋبليكالىق قوعامدىق بىرلەستىگىنىڭ قاراعاندى وبلىسى بويىنشا فيليالىنىڭ توراعاسى شاميل وسين تۇرمىسى تومەن وتباسىلارعا 12 توننا ازىق-ت ۇلىك پەن كوكونىس تاراتىپ بەرسە, تاجىك ەتنومادەني بىرلەستىگىنىڭ وكىلدەرى انەت بابا مەشىتىنىڭ ورتالىق شتابىنا ازىق-ت ۇلىك جەتكىزدى.
قاراعاندى وبلىسىنىڭ قحا وكىلدەرى كۇللى الەم مەن ەلىمىز وتە كۇردەلى كەزەڭدى باستان كەشكەن ۋاقىتتا بىرلىك پەن ىنتىماقتىق تانىتۋدىڭ ماڭىزى زور ەكەنىن ايتادى.
– كوروناۆيرۋس ىندەتى ءبىز ءۇشىن ورتاق قاۋىپ جانە ول ۇلت نەمەسە ءدىندى تاڭدامايدى. ءبىز, قازاقستاندىقتار, كوپتەگەن سىناقتاردى باستان كەشكەن ەلمىز. بۇل جولى دا قيىندىقتاردى جەڭەتىنىمىزگە كۇمان كەلتىرمەيمىز, – دەيدى ولار.
جاسىراتىنى جوق, ەلدەگى توتەنشە جاعداي مەنقاراعاندى وبلىسىندا جاريالانعان كارانتيننىڭ سالدارىنان كوپتەگەن ازاماتتار ءبىرىنشى كەزەكتەگى ازىق-ت ۇلىككە دەگەن مۇقتاجدىقتىڭ زارىن تارتىپ وتىر. ال جوعارىداعى ايتىلعان كومەكتىڭ دەر كەزىندە جاسالعان قايىرىمدى ءىس بولعانىن ايتا كەتۋ ءلازىم.
قاراعاندى وبلىسىنىڭ قحا وكىلدەرى بۇل جۇمىستاردىڭ الداعى ۋاقىتتا دا جالعاسىن تاباتىنىن ايتادى.