ءساۋىر ايىنان باستاپ «استانا» ۆەلوكومانداسى جارىس قايتا باستالعانشا قىزمەتكەرلەرىنىڭ جالاقىسىن 30%-عا قىسقارتادى. بۇل تۋرالى sports.kz سايتى حابارلادى.
بۇعان دەيىن حالىقارالىق ۆەلوسيپەدشىلەر وداعى (UCI) كوروناۆيرۋس پاندەمياسى سالدارىنان جارىستى توقتاتۋ كەزەڭىن 1 ماۋسىمعا دەيىن ۇزارتقان ەدى.
«قازىر ۆەلوسپورت الەمى ءۇشىن, سونداي-اق ءبىزدىڭ كوماندا ءۇشىن كۇردەلى كەزەڭ بولىپ تۇر. سوندىقتان وسىنداي قادامعا بارۋعا ءماجبۇر بولدىق. مۇنىڭ ءبارى جاقىندا اياقتالاتىنىنان جانە جارىس جولىنا قايتا ءتۇسىپ, جەڭىسكە جەتەتىنىمىزدەن ۇمىتتەنەمىز. ءبىز جالاقىنى 30% قىسقارتۋ تۋرالى شەشىم قابىلدادىق. بۇل سىناقتان ءبارىمىز بىرگە ءوتۋىمىز كەرەك», دەدى كوماندانىڭ باس مەنەدجەرى الەكساندر ۆينوكۋروۆ.
كوماندانىڭ بۇل شەشىمىن بارلىق ۆەلوشاباندوز تۇسىنىستىكپەن قابىلدادى.