بۇل سۇراققا ءبىلىم جانە عىلىم ۆيتسە-ءمينيسترى شولپان كارينوۆا جاۋاپ بەردى.
ەلىمىزدە ءتۇرلى مەكتەپتەر بار. سونىڭ ىشىندە 5 پەن 80 وقۋشىعا دەيىن ءبىلىم بەرىپ وتىرعان شاعىن جيناقتى مەكتەپتەر ءوز اۋماعىندا كارانتين جاعدايى ەنگىزىلمەسە, توتەنشە جاعدايدىڭ بارلىق تالاپتارىن ساقتاپ شتاتتىق رەجىمدە جۇمىستارىن جالعاستىرا الادى.
– جۇمىستىڭ بارلىق فورماسى قاراستىرىلىپ وتىر. سونىڭ ىشىندە شاعىن جيناقتى مەكتەپتەرگە داستۇرلى وقىتۋ فورماسىن جالعاستىرا الاتىن مۇمكىندىكتى قارادىق. مۇنداي جعدايدا ءاربىر اكىمدىك مەكتەپتەردەگى سانيتارلىق-ەپيدەميولوگيالىق تالاپتاردىڭ قاتاڭ ساقتالعانىن قاداعالاۋ كەرەك. بىراق ءبىز قاشىقتان وقىتپايتىن شاعىن مەكتەپ قىزمەتكەرلەرىنە, اسىرەسە باسشىلىعىنا ادامداردىڭ, وقۋشىلاردىڭ كوپتەپ شوعىرلانۋىن بولدىرماۋ, بىرنەشە كەزەڭگە ءبولىپ وقىتۋ, سىنىپتاردى جەكە توپتارعا جىكتەۋ ارقىلى ءبىلىم بەرۋدى مىندەتتەيمىز, – دەدى ءمينيستردىڭ ورىنباسارى.