قاراعاندى وبلىسىندا توتەنشە جاعداي جانە كارانتين كەزىندەگى ءوڭىردىڭ جاعدايى تۋرالى بارلىق اقپارات توعىستىرىلاتىن «جەدەل ارەكەت ەتۋ ورتالىعى» (جاەو) قۇرىلدى. وبلىس باسشىلىعىنىڭ ايتۋىنشا, جاڭا قۇرىلىم ايماقتىقجەدەل شتابتىڭ نەگىزگى شەشىم قابىلداۋ ورتالىعى بولادى ەكەن.
«جەدەل ارەكەت ەتۋ ورتالىعىنىڭ جۇمىسىنابارلىق جۇمىلدىرىلعان قۇرىلىمدار مەن قىزمەتتەردىڭ, اتاپ ايتقاندا, پوليتسيا, سانيتارلىق-ەپيدەميولوگيالىق قاۋىپسىزدىك (سەق), اسكەري, وبلىستىق دەنساۋلىق ساقتاۋ باسقارماسى, وبلىستىق باسقارمالار مەن دەپارتامەنتتەردىڭ قىزمەتكەرلەرى ات سالىساتىن بولادى. ورتالىققا وبلىستا بولىپ جاتقان بارلىق اقپارات كەلىپ تۇسەدى. جۇمىس ءتارتىبى – 24/7. كەلىپ تۇسكەن اقپارات ودان ءارى ءىس-قيمىل بويىنشا ۇسىنىستاردى تالداۋ جانە ازىرلەۋ ءۇشىن وتە ماڭىزدى بولادى. ياعني, تۋىنداعان ماسەلەلەردى بارلىق قىزمەتتەردىڭ قاتىسۋىمەن شەشۋ تەزدەتىلەدى», دەپ جازدى ءوزىنىڭ Facebook-تەگى پاراقشاسىندا وبلىس اكىمىنىڭ ورىنباسارى الىشەر ابدىقادىروۆ.
ورتالىقتىڭ جۇمىسى سانيتارلىق-ەپيدەميولوگيالىق قاۋىپسىزدىك جانە دەزينفەكتسيا, ازىق-ت ۇلىك قاۋىپسىزدىگى مەن تىرشىلىكتى قامتاماسىز ەتۋ (تكش, ەنەرگەتيكا), سانيتارلىق بلوك-بەكەتتەردىڭ ءىس-قيمىلىن ۇيلەستىرۋ جانە باسقا دا بىرقاتار باعىتتار بويىنشا جۇرگىزىلەدى.
Senim 109 قىزمەتى جاەو-نىڭ جەدەل قولداۋ جەلىسى بولادى. تۇرعىندار بۇل جەلىگە وزدەرىنىڭ بارلىق ماسەلەلەرىن ايتىپ, قىزمەتىنە جۇگىنە الادى.
«بارلىق قىزمەتتەر بىرقاتار شەكتەۋلەر جاعدايىندا وبلىستىڭ تىنىس-تىرشىلىگىن قامتاماسىز ەتۋگە جۇمىلدىرىلاتىن بولادى. باستى مىندەت – كوروناۆيرۋستىڭ كەڭ تارالۋىنا جول بەرمەۋ, سونداي-اق وبلىس ەكونوميكاسىنا جانە تۇرعىنداردىڭ ءال-اۋقاتىنا تەرىس اسەرلەردىڭ ءتيۋىن ازايتۋ», دەپ اتاپ ءوتتى الىشەر ابدىقادىروۆ.
سونىمەن قاتار, ول كارانتين جاريالانعانايماقتارداعى كاسىپورىنداردا جۇمىس ىستەيتىن تۇرعىنداردىڭ ءتىزىمى قاراعاندى, تەمىرتاۋ, ساران, شاحتينسك جانە اباي قالالارى اكىمدىكتەرىنىڭكومەگىمەن جاسالعانىن جەتكىزدى. بۇگىننەن باستاپ بۇل قالادا تۇراتىن ازاماتتار جۇمىسىنا بارۋ ءۇشىن باقىلاۋ بەكەتتەرى ارقىلى وتەتىن بولادى.