اعىمداعى جىلعى 6 ساۋىردەن باستاپ ەلىمىزدەگى مەكتەپتەر قاشىقتىقتان ءبىلىم بەرۋگە كوشەدى. ال بۇعان جامبىل وبلىسىنىڭ دايىندىعى قالاي؟ شىنى كەرەك, اۋليەاتا ءوڭىرىنىڭ كوپتەگەن اۋدان, اۋىلدارىندا ءبىلىم بەرۋ سالاسىندا ماسەلەلەر كوپ. توزىعى جەتكەن مەكتەپ, ينتەرنەتسىز وتىرعان اۋىلدار, ءبارى دە ءبىلىم سالاسىنداعى كوكەيكەستى ماسەلەلەردىڭ ءبىرى.
بۇل رەتتە جامبىل وبلىسىنىڭ اكىمى بەردىبەك ساپارباەۆ ءبىلىم بەرۋ سالاسىن تالقىلاۋ تۋرالى جيىندا اۋدان اكىمدەرىنە قاراتا «كوزبوياۋشىلىقپەن اينالىسۋدى توقتاتىڭىزدار. ناقتى احۋالدى كورسەتىڭىزدەر. ايتپەسە, ءبىز جاعدايدى جاقسارتا المايمىز. بۇل تەك ءبىلىم بەرۋدە عانا ەمەس, وڭىردەگى بارلىق سالاعا قاتىستى», دەگەن بولاتىن.
بەردىبەك ساپارباەۆ وڭىردەگى ءبىلىم سالاسىنداعى جۇمىستاردىڭ ساپاسىنىڭ سىن كوتەرمەيتىنىن ايتتى. ال, قاشىقتىقتان وقىتۋدى ەنگىزگەننەن كەيىن ول ءتىپتى تومەن دەڭگەيگە قۇلدىراپ كەتۋى مۇمكىن. جالپى, جامبىل وبلىسىندا 377 ەلدىمەكەن بار. الايدا, تالداۋ كورسەتكەندەي, كوپتەگەن اۋدان مەكتەپتەرىندە كومپيۋتەرلەر مەن مونوبلوك جەتىسپەيدى ەكەن. ءتىپتى 125 اۋىلدىق ەلدىمەكەن ينتەرنەتپەن قامتاماسىز ەتىلمەگەن. بۇل ماسەلە دە قاشىقتىقتان وقىتۋعا كەدەرگى بولاتىن ماسەلەلەردىڭ ءبىرى ەكەنى انىق.
جامبىل وبلىسى