كوروناۆيرۋس پاندەمياسى كەزىندە نۇر-سۇلتان قالاسى بويىنشا اتقارىلىپ جاتقان دەزينفەكتسيا جۇمىستارى تۋرالى نۇر-سۇلتان قالاسى اكىمىنىڭ ورىنباسارى التىنبەك قايساعاليەۆ ايتىپ بەردى.
«وزدەرىڭىز بىلەتىندەي, قالادا قازىرگى تاڭدا كوروناۆيرۋستىق ينفەكتسياعا قارسى بەلسەندى جۇمىستار جۇرگىزىلىپ جاتىر. وسىعان بايلانىستى نۇر-سۇلتان قالاسى حالقىنىڭ دەنساۋلىعىن ساقتاۋ جانە قاۋىپسىزدىگىن قامتاماسىز ەتۋ ماقساتىندا اعىمداعى جىلدىڭ 20 ناۋرىزىنان باستاپ قالانىڭ بارلىق نىساندارىندا, ادام كوپ شوعىرلاناتىن جەرلەردە, سونىمەن قاتار تۇرعىن ءۇي كەشەدەرى مەن تۇرعىن ءۇي الاپتارىندا اۋقىمدى دەزينفەكتسيا جۇمىستارى جۇرگىزىلۋدە», دەدى قالا اكىمىنىڭ ورىنباسارى.
ونىڭ ايتۋىنشا, دەزينفەكتسيا جۇمىستارىنا كۇندەلىكتى 470 دەزينفەكتور, سونىڭ ىشىندە قورعانىس مينيسترلىگىنەن 231 ادام, دەزينفەكتسيالىق جۇمىس ىستەيتىن ۇيىمداردان 239 ادام قاتىسۋدا.
«دەزينفەكتسيا جۇمىستارى قورعانىس مينيسترلىگىنىڭ كۇشىمەن, اتاپ ايتقاندا قورعانىس مينيسترلىگىنىڭ راديوحيميالىق جانە باكتەرولوگيالىق اسكەرىنىڭ, قالا اكىمدىگى مەن دەزينفەكتسيالىق جۇمىستار ىستەيتىن ۇيىمداردىڭ كۇشىمەن جۇرگىزىلۋدە. دەزينفەكتسيالىق شارالاردى جۇرگىزۋگە 50-دەن استام تەحنيكا, ونىڭ ىشىندە 20 بىرلىك اسكەري تەحنيكا, 200 بىرلىك روتورلىق جانە سورعىش-شاشىراتقىشتار جۇمىلدىرىلعان», دەدى التىنبەك قايساعاليەۆ.
كۇندەلىكتى اسكەريلەر كۇشىمەن 10 باعىت بويىنشا دەزينفەكتسيا جۇمىستارىن جۇرگىزىلۋدە.