بۇگىن قالا اكىمى م. ايتەنوۆ شتابتىڭ ءماجىلىسىن وتكىزىپ, وندا قالا اۋماعىندا قاۋىپسىزدىك شارالارىن كۇشەيتۋ, ستراتەگيالىق نىسانداردىڭ دايىندىعىن ارتتىرۋ, مەكەمە قىزمەتكەرلەرى مەن تۇرعىنداردىڭ قاۋىپسىزدىگىن قامتاماسىز ەتۋ ماسەلەلەرى قارالدى.
سونىمەن قاتار, تولەمدەرگە بايلانىستى بارلىق قۇجاتتاردى قابىلداۋ جانە ءتۇسىندىرۋ جۇمىستارى ەلەكتروندى تۇردە جۇرگىزىلۋى ءتيىس. سونىمەن قاتار, ءتيىستى مەكەمەلەرگە كوپشىلىككە ۇگىت-ناسيحات جۇمىستارىن كۇشەيتۋدى تاپسىردى.
كارانتينگە دەيىن ستراتەگيالىق ماڭىزدى نىسانداردا جۇمىس ىستەيتىن مامانداردى جۇمىس بەرۋشى ءوندىرىس اۋماعىندا ەڭبەك ەتۋىنە جاعداي جاساۋى كەرەك. ول ءۇشىن نىسان اۋماعىندا ارنايى جاتاقحانا جابدىقتاپ, قىزمەتكەرلەرىن سول جەرلەرگە ورنالاستىرۋىنا بولادى. بۇل قۇرىلىس پەن ءوندىرىستىڭ قاجەتتىلىگىنە بايلانىستى. دەگەنمەن ءبىرىنشى كەزەكتە كۇشەيتىلگەن كۇزەت پەن قاۋىپسىزدىكتى ساقتاۋ ەسكەرتىلدى.
ازىق-ت ۇلىك دۇكەندەرى مەن بازارلارداعى ساۋدا قاتارلارى سانيتارلىق نورمالار بويىنشا جۇمىس ىستەيدى.
قالا باسشىسى ءتيىستى سالا جەتەكشىلەرىنە بلوك-بەكەتتەردى كوبەيتۋ تۋرالى تاپسىرما بەردى. سونداي-اق, قالاداعى «سەرگەك» بەينەكامەراسى احۋالدىق ورتالىققا قوسىلىپ, جاعداي سول كامەرالاردىڭ كومەگىمەن باقىلاۋعا الىنادى.
بەكىتىلگەن ەرەجەگە سايكەس, قالاعا ەشكىم كىرىپ-شىقپايدى. ويتكەنى شىمكەنتتىڭ اۋماعى ۇلكەن, حالىق سانى ميلليوننان اسادى. سوندىقتان جۇرت شوعىرلانعان جەردە قاۋىپ پەن تاۋەكەل كوپ.
ايتا كەتەيىك, ىندەتتى جۇقتىرۋى مۇمكىن دەگەن قاۋپى بار ازاماتتاردىڭ بارلىعى تەكسەرۋدەن وتەدى. قالادا زالالسىزداندىرۋ جۇمىستارى كۇشەيتىلىپ, قالىپتاسقان جاعداي تۇرعىندارعا ۋاقىتىلى حابارلانادى.
شىمكەنت