پرەزيدەنتىنىڭ «الەۋمەتتىك-ەكونوميكالىق تۇراقتىلىقتى قامتاماسىز ەتۋ شارالارى تۋرالى» جارلىعىن ورىنداۋ ماقساتىندا ەنەرگەتيكا مينيسترلىگى ناۋرىزدىڭ 25-دە كومىرسۋتەكتى جəنە ۋران شيكىزاتىن بارلاۋ مەن ءوندىرۋ باعىتىندا پايدالانىلاتىن تاۋارلاردى, جۇمىستاردى, سونداي-اق قىزمەتتەردى ساتىپ الۋ ەرەجەسىنە وزگەرىس ەنگىزدى. اتالعان شەشىم وتاندىق جەر قويناۋىن پايدالانۋشىلاردى قولداۋعا باعىتتالعان. بۇل تۋرالى «اتامەكەن» ۇكپ حابارلادى
وسىلايشا جەر قويناۋىن پايدالانۋشىلار مەن ولاردىڭ مەردىگەرلەرى CT-KZ سەرتيفيكاتى نەمەسە يندۋستريالىق سەرتيفيكاتپەن راستالعان قازاقستاندا جاسالعان تاۋار, جۇمىس جانە قىزمەتتەردى بايقاۋ وتكىزبەي ءبىر كوزدەن ساتىپ الۋعا قۇقىلى. بۇل وزگەرىس جاقىن كۇندەرى ەنەرگەتيكا مينيسترلىگىنىڭ 25 ناۋرىزداعى №110 بۇيرىعىنىڭ جاريالانۋىنان كەيىن كۇشىنە ەنەدى. دəل وسىنداي جۇمىستى يندۋستريا جانە ينفراقۇرىلىمدىق دامۋ مينيسترلىگى قاتتى پايدالى قازبالار سەگمەنتىندە جۇرگىزىپ جاتىر. ءتيىستى بۇيرىق جاقىن ارادا قابىلدانادى دەپ كۇتىلۋدە.