توتەنشە جاعداي باستالعانى بەرى وبلىس اۋماعىنداعى 303 ءدامحانا مەن مەيرامحانا تەكسەرىلىپ, توتەنشە جاعداي رەجيمىن بۇزعان 56 كاسىپكەر جاۋاپقا تارتىلدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلايدى.
وسى اكىمشىلىك ءىستىڭ 37-ءسى سوتتا ونلاين-رەجيمىندە قارالىپ, 23 ادامعا 10 اەك مولشەرىندە ايىپپۇل سالىنسا, 14 تۇرعىن اكىمشىلىك قاماققا الىندى.
سونىمەن قاتار حالىق اراسىندا كوروناۆيرۋس جايلى جالعان اقپارات تاراتقان 6 ادام انىقتالدى. ولار ۇستالىپ, اتالعان دەرەكتەر بويىنشا قازاقستان رەسپۋبليكاسى قىلمىستىق كودەكسىنىڭ 274-بابى 4 بولىگىمەن سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.