بۇگىن اتىراۋ قالاسىندا كارانتين ەنگىزىلدى. سونداي-اق, وبلىس اۋماعىندا بىرنەشە شەكتەۋ شارالارى بار. ونىڭ مەرزىمى 15 ساۋىرگە دەيىن جالعاسادى. اتىراۋ وبلىسىنىڭ باس مەملەكەتتىك سانيتارلىق دارىگەرى مەيىرجان ەسىمباەۆتىڭ قاۋلىسىندا مىنا جايتتار قامتىلدى.
2020 جىلعى 30 ناۋرىز ساعات 00:00-دەن باستاپ 2020 جىلعى 15 ءساۋىر 07:00-گە دەيىن اتىراۋ قالاسىندا كارانتين جانە اتىراۋ وبلىسى اۋماعىندا كەلەسى شەكتەۋ شارالارى ەنگىزىلسىن:
1. قازاقستان رەسپۋبليكاسىنداعى توتەنشە جاعداي كەزىندە شەكتەۋ شارالارىن ساقتاۋ, سونداي-اق كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا (بۇدان ءارى - COVID-19):
1) اتىراۋ قالاسىنا كىرۋگە جانە ودان شىعۋعا تىيىم سالىنادى (تۇراقتى تۇرۋ ورىندارىنا كىرۋگە جانە شىعۋعا 02.04.2020 جىلى ساعات 00-00 دەيىن رۇقسات بەرىلەدى);
2) اۋدان تۇرعىندارىنا وبلىستار, اۋداندار جانە اتىراۋ قالاسى اراسىندا جۇرۋگە تىيىم سالىنادى;
3) وبلىستار جانە اۋداندار اراسىندا رەسمي جانە رەسمي ەمەس (تىركەلمەگەن) جەكە تاسىمالداۋشىلارمەن جولاۋشىلار تاسىمالىنا تىيىم سالىنادى;
4) بارلىق اۆتوۆوكزالداردىڭ, اۆتوستانتسيالاردىڭ جۇمىسى توقتاتىلسىن;
5) 2020 جىلعى 1 ساۋىردەن باستاپ تەمىرجولداعى ايماقارالىق جولاۋشىلار قاتىناسى توقتاتىلسىن;
6) ۇكىمەتتىك رەيستەر مەن توتەنشە جاعداي جونىندەگى اتىراۋ وڭىرلىك كوميسسياسىنىڭ توراعاسىمەن كەلىسىلگەن رەيستەردەن باسقا, اتىراۋ حالىقارالىق اۋەجايىنىڭ بارلىق رەيستەرىن توقتاتسىن;
7) مىنالاردى قوسپاعاندا, تۇرعىلىقتى جەرلەردەن شىعۋعا تىيىم سالىنسىن:
-ازىق-ت ۇلىك, قاجەتتى زاتتار, ءدارى-دارمەكتەر مەن مەديتسينالىق ماقساتتاعى بۇيىمداردى ساتىپ الۋ;
-جۇمىسقا بارۋ;
-مەديتسينالىق كومەككە جۇگىنۋ;
8) 65 جاستان اسقان قالا تۇرعىندارىنا ەرەكشە قاجەتسىز جاعدايدا بولماسا, ۇيدەن دالاعا شىقپاسىن;
9) تۇراتىن جەرىنەن تىس جەردە جۇرگەن كەزدە ماسكا كيىپ ءجۇرسىن, ءبىر رەت قولدانىلاتىن قولعاپتاردى پايدالانسىن جانە قولدى وڭدەۋگە ارنالعان تەرى انتيسەپتيكتەرىنىڭ بولۋىن قامتىسىن;
10) بالالارمەن سەرۋەندەۋدى تۇرعىلىقتى جەرىنەن 500 مەتردەن اسپايتىن راديۋستا جانە ۇزاقتىعى 30 مينۋتتان اسپايتىن ۋاقىت ىشىندە جۇزەگە اسىرسىن;
11) ازىق-ت ۇلىك سۋپەرماركەتتەرىن, ازىق-ت ۇلىك دۇكەندەرىن, ءدارىحانالار مەن قاجەتتى تاۋارلار ساتۋدى قوسپاعاندا, ساۋدا-ويىن-ساۋىق ورتالىقتارى مەن بازارلاردىڭ قىزمەتىن توقتاتسىن;
12) ازىق-ت ۇلىككە جاتپايتىن ساۋدا ورتالىقتارىنىڭ, جەكە تۇراتىن ازىق-ت ۇلىك ەمەس دۇكەندەردىڭ, اۆتوكولىك ساتاتىن سالونداردىڭ, اۆتو بولشەكتەردى ساتۋ سالوندارىنىڭ, گۇل پاۆيلوندارىنىڭ, حيميالىق تازالاۋ, كىر جۋاتىن ورىنداردىڭ, فوتواتەلە, فوتوسالونداردىڭ, وپتيكا, لومباردتاردىڭ, جىلجىمايتىن م ۇلىك اگەنتتىكتەرىنىڭ, كولىك جۋ ورىندارىنىڭ,تەحنيكالىق قىزمەت كورسەتۋ ستانتسيالارى, مونشالار, ساۋنالار, فيتنەس كلۋبتار, ترەناجەرلەر, سپورت كەشەندەرى, باسسەيندەر, سۇلۋلىق سالوندارى, سپا-ورتالىقتار, تىرناق شەبەرحانالارى, شاشتارازدار, كومپيۋتەرلىك كلۋبتار, جابىق بالالار ويىن الاڭدارى, زووپارك , مۇز ايدىنى, كورمەلەر جانە وسىعان ۇقساس قىزمەت كورسەتۋ نىساندارى قىزمەتىن توقتاتسىن;
13) مەيرامحانالار, كافەلەر, بارلار, اسحانالار جانە باسقا دا قوعامدىق تاماقتانۋ وبەكتىلەرىنىڭ جۇمىسىنا تەك 10.00-دەن 20-00-گە دەيىن «تاپسىرىس بەرۋشىلەرگە جەتكىزۋ» قاعيداتى بويىنشا رۇقسات بەرىلسىن;
14) مەنشىك تۇرىنە قاراماستان بالاباقشالاردىڭ قىزمەتى توقتاتىلسىن.
جۇماسات عازيز