قىتايدىڭ جەتەكشى ءۇش تەلەكوممۋنيكاتسيالىق وپەراتورىنىڭ ءبىرى China Mobile بيىل 300 مىڭعا جۋىق 5G بازالىق ستانتسيالارىن قۇراتىنىن جانە قىتايدىڭ بارلىق قالالارىن كوممەرتسيالاندىراتىنىن ايتتى.
2019 جىلدىڭ سوڭىندا China Mobile 50 مىڭعا جۋىق 5G بازالىق ستانتسيالارىن قۇردى جانە قىتايدىڭ 50 قالاسىندا 5G جەلىسىنە قول جەتكىزگەن بولاتىن. ەندى كوروناۆيرۋستىق ىندەتتىڭ زارداپتارىن جويۋ جانە 5G Plus باعدارلاماسىن ىسكە اسىرۋدى العا جىلجىتقانىن, قوعامدىق اقپارات اعىنىن, ونەركاسىپتىك قايتا قۇرۋ مەن مودەرنيزاتسيانى, سونداي-اق تسيفرلىق قوعام قۇرۋعا نيەتتى ەكەنىن مالىمدەدى.
اتاپ ايتقاندا, 5G plus Big Data تەحنولوگيالارىن توتەنشە جاعدايلاردى جويۋ جانە دەنساۋلىق ساقتاۋ سالالارىندا قولدانۋ اياسىن كەڭەيتۋ جوسپارلانۋدا.
China Mobile سونىمەن قاتار وسى جىلدىڭ اياعىندا 5G جەلىسىن پايدالانۋشىلار سانىن 70 ميلليونعا, ال 5G تەرمينالدى قۇرىلعىلارىن ساتۋ كولەمىن 100 ميلليون بىرلىككە دەيىن ۇلعايتۋدى ماقسات ەتىپ قويدى.