بۇل تۋرالى coronavirus2020.kz سايتىندا جازىلدى. الماتى وبلىستىق پوليتسيا دەپارتامەنتىنىڭ ءباسپاسوز قىزمەتى مۇعالىمنىڭ قاينازار اۋىلى مەن ۇزىناعاش اۋىلىندا ەكى ادامنىڭ قاۋىپتى ۆيرۋستى جۇقتىرعانى جونىندە اۋديوجازبا تاراتقانىن حابارلاعان.
WhatsApp جەلىسى ارقىلى جەرگىلىكتى تۇرعىندارعا فەيك اقپاراتتى جولداعان ر. ەسىمدى ايەل جامبىل اۋدانى ۇمبەتالى اۋىلىنىڭ 31 جاستاعى تۇرعىنى ەكەندىگى جانە جەرگىلىكتى مەكتەپتەردىڭ بىرىندە قازاق ءتىلى مەن ادەبيەتى ءپانىنىڭ مۇعالىمى بولىپ جۇمىس ىستەيتىنى بەلگىلى بولعان. ۇستالعان مۇعالىم كوروناۆيرۋس تۋرالى جالعان اقپاراتتى ويلانباي تاراتقانىن تولىعىمەن مويىندادى.
وسىعان وراي قىلمىستىق كودەكستىڭ 274-بابى 4-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ول 3-تەن 7 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.