ۇستاز دەگەن ۇلى ەسىم. مارتەبەسى – بيىك, ابىرويى – اسقاق, اتى – جوعارى ماماندىققا لايىقتى قىزمەت ەتۋ ءاربىر مۇعالىمنىڭ پارىزى دەپ سانايمىز. راس, 90-جىلداردا ۇستازدىق قىزمەت جان باعۋعا قيىن بولدى. دەگەنمەن, ەل ەكونوميكاسى كوتەرىلىپ, الەۋمەتتىك جاعدايىمىز ارتقان سايىن مەملەكەت تاراپىنان وقىتۋشىلارعا بارىنشا كوڭىل ءبولىنىپ, مەكتەپتەرى جاڭارىپ, ماتەريالدىق-تەحنيكالىق بازاسى نىعايىپ كەلەدى.
ۇستاز دەگەن ۇلى ەسىم. مارتەبەسى – بيىك, ابىرويى – اسقاق, اتى – جوعارى ماماندىققا لايىقتى قىزمەت ەتۋ ءاربىر مۇعالىمنىڭ پارىزى دەپ سانايمىز. راس, 90-جىلداردا ۇستازدىق قىزمەت جان باعۋعا قيىن بولدى. دەگەنمەن, ەل ەكونوميكاسى كوتەرىلىپ, الەۋمەتتىك جاعدايىمىز ارتقان سايىن مەملەكەت تاراپىنان وقىتۋشىلارعا بارىنشا كوڭىل ءبولىنىپ, مەكتەپتەرى جاڭارىپ, ماتەريالدىق-تەحنيكالىق بازاسى نىعايىپ كەلەدى.
بۇرناعى كۇنى قىزىلوردا وبلىسىندا «ساپالى ءبىلىم مەن تاربيە بەرۋ – قازاقستاننىڭ مەملەكەتتىك ساياساتىنىڭ باسىمدىعى» اتتى تامىز كەڭەسى ءوتتى. كەڭەس بارىسىندا ايماقتاعى ءبىلىم ساپاسىن ارتتىرۋ, وقۋ ۇدەرىسىندە الەمدىك وزىق تاجىريبەلەردى دەندەپ ەنگىزۋ سياقتى كەلەلى ماسەلەلەر ءسوز بولدى. وبلىس اكىمى قىرىمبەك كوشەرباەۆ كەڭەسكە ارنايى قاتىسىپ, بايانداما جاسادى. ناقتى تاپسىرمالار بەرىپ, الداعى مەجەمىزدى انىقتادى. وسى القالى جيىن بارىسىندا ءبىزدى قۋانتقان ءبىر جايت بولدى. ايماق باسشىسى ۇستاز مارتەبەسىن ارتتىرۋ, ۇزدىك پەداگوگ ماماندارىن قولداۋ ماقساتىندا ارنايى سىياقى تاعايىنداعان ەكەن. تامىز كەڭەسىندە 20 ۇزدىك ۇستازعا 1 ميلليون تەڭگەدەن سىياقى بەرىلدى. ايماقتاعى ماڭدايالدى مۇعالىمدەردىڭ قاتارىندا ءوزىمنىڭ بولعانىما وتە قاتتى قۋاندىم. بۇل ءبىزدىڭ وسى ۋاقىتقا دەيىن جاساعان ەڭبەگىمىزدىڭ باعالانعانى, بولاشاقتا اتقاراتىن جۇمىسىمىزعا جاۋاپكەرشىلىك دەپ قابىلدادىم. اكىم تاعايىنداعان سىياقىنى جاڭاقورعان اۋدانىنان ايسۇلۋ جالعىزبايقىزى, جالاعاشتان توتى جاليەۆا, قازالى اۋدانىنان نۇربەك قوجامجار, قارماقشىدان مانات كوبەكوۆا, قىزىلوردا قالاسىنان نادەجدا كاراچەنتسەۆا سەكىلدى 20 ادام يەلەندى. ايتا كەتەرلىگى, سىياقىعا يە بولعان مۇعالىمدەردىڭ بارلىعى وبلىستىق جانە رەسپۋبليكالىق وليمپيادالاردا جەڭىمپاز بولعان, وقۋشىلارى دا وسىنداي سايىستاردا توپ جارعان. سوندىقتان سىياقى دا لايىقتى يەلەرىن تاپتى دەگەن ويدامىز.
ءالىپتى تاياق دەپ ۇيرەتۋ, جاس بالاعا ءبىلىم بەرۋ, ونىڭ ومىرلىك جولىن ايقىنداۋ, بولاشاقتا اداسپاي ءوز جولىن تابۋعا ۇمتىلدىرۋ, مەملەكەتىمىزدىڭ بولاشاعىن باياندى ەتەتىن ازامات تاربيەلەۋ, ەڭ باستىسى – سانالى دا ءبىلىمدى ۇرپاقتى قالىپتاستىرۋ ايتۋعا وڭاي بولعانمەن, وتە اۋىر مىندەت. سىر بويىنىڭ ۇستازدارى وسى جولدا ايانباي ەڭبەك ەتىپ جاتىر. ال ەڭبەك دەر كەزىندە باعالانۋى كەرەك. بۇل تاراپتا وبلىس باسشىسى قىرىمبەك ەلەۋ ۇلى ۇستاز ەڭبەگىن ۋاقىتىندا باعالاپ, ءبىزدىڭ جۇمىس ىستەۋىمىزگە وڭدى جاعداي جاساپ, ارنايى سىياقى تاعايىنداپ العا ۇمتىلدىرىپ وتىرعانىنا قۋانىشتىمىز. وسى رەتتە ۇستازدار قاۋىمىنىڭ اتىنان ايماق باسشىلىعىنا ۇلكەن العىس ايتقىم كەلەدى.
حاديشا ورىنباساروۆا,
№249 مەكتەپتىڭ مۇعالىمى.
قىزىلوردا وبلىسى,
قازالى اۋدانى.