ورال قالاسىندا نازارباەۆ داڭعىلى تولىق دەزينفەكتسيالاندى

- ەل اۋماعىندا كوروناۆيرۋستىڭ ورشۋىنە بايلانىستى ورال قالاسى توتەنشە جاعدايلار باسقارماسىنىڭ قىزمەتكەرلەرى, سونداي-اق باتىس قازاقستان وبلىستىق توتەنشە جاعدايلار دەپارتامەنتىنىڭ ء«ورت ءسوندىرۋ جانە اۆاريالىق-قورعانىس جەدەل قۇتقارۋ» جاساعى وبلىس ورتالىعىنىڭ حالىق كوپ جۇرەتىن داڭعىلىندا ينفەكتسيا تارالماۋى ءۇشىن وسىنداي شارا وتكىزدىك, - دەيدى ورال قالالىق توتەنشە جاعدايلار باسقارماسىنىڭ باس مامانى ا. قادىروۆ.

مامانداردىڭ ايتۋىنشا, كوروناۆيرۋس اۋادا 3 ساعاتقا جۋىق ءومىر سۇرۋگە قابىلەتتى. ال كوشەلەر مەن قوعامدىق ورىنداردا, ءتۇرلى زاتتاردىڭ بەتىندە قاۋىپتى ىندەتتىڭ ۆيرۋسى 48 ساعات تۇرىپ, جاناسقان ادامعا اۋا-تامشى ارقىلى جۇعۋى مۇمكىن ەكەن. سوندىقتان كوشەلەر مەن قوعامدىق ورىنداردى دەزينفەكتسيالاۋ – كوروناۆيرۋسكە قارسى كۇرەستىڭ ماڭىزدى بولىگى.

ايتا كەتەيىك, بۇل جۇمىستارعا توتەنشەلىكتەردىڭ جەكە قۇرامىنان 30 ادام جانە 5 بىرلىك تەحنيكا تارتىلعان.

ءدال قازىر ورال قالاسىنداعى تەمىر جول ۆوكزالىنا قاراما-قارسى چاپاەۆ الاڭى مەن تۇڭعىش پرەزيدەنت الاڭىندا دەزينفەكتسيالاۋ جۇمىستارى جۇرگىزىلىپ جاتىر.

باتىس قازاقستان