كەشە قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ جۋرناليستەرگە ءداستۇرلى بريفينگ وتكىزىپ, اپتانىڭ ماڭىزدى ءىس-شارالارىمەن تانىستىردى.
كەشە قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ جۋرناليستەرگە ءداستۇرلى بريفينگ وتكىزىپ, اپتانىڭ ماڭىزدى ءىس-شارالارىمەن تانىستىردى.
«قازاقستان پرەزيدەنتىنىڭ ءباسپاسوز قىزمەتىنىڭ حابارلاۋىنشا, وسى اپتادا مەملەكەت باسشىسى نۇرسۇلتان نازارباەۆ جۇمىس ساپارىمەن ەلىمىزدىڭ سولتۇستىك وبلىستارىندا بولادى. ساپار اياسىندا ەل پرەزيدەنتى ەگىن جيناۋ ناۋقانى مەن ايماقتارداعى نەگىزگى مەملەكەتتىك باعدارلامالاردىڭ ورىندالۋ بارىسىمەن تانىسادى. ال پارلامەنت ءماجىلىسىنىڭ توراعاسى نۇرلان نىعماتۋليننىڭ وكىمىمەن 2 قىركۇيەككە ەل پارلامەنتىنىڭ قوس پالاتاسىنىڭ بىرلەسكەن وتىرىسىن شاقىرعانى بارشاڭىزعا ءمالىم. پارلامەنتتىڭ V شاقىرىلىمىنىڭ 3-سەسسياسىن ەل پرەزيدەنتى نۇرسۇلتان نازارباەۆ اشىپ, دەپۋتاتتار الدىندا زاڭ قابىلداۋ سالاسىندا جاڭا نەگىزگى باعىتتاردى ايقىنداپ بەرۋ جوسپارلانعان», دەدى ا.ابيبۋللاەۆ بريفينگتە سويلەگەن سوزىندە.
سونداي-اق, رەسمي وكىل 29 تامىزدا الەمدىك قاۋىمداستىق حالىقارالىق يادرولىق سىناقتارعا قارسى ءىس-قيمىل كۇنىن اتاپ وتەتىنىنە توقتالدى. «بۇل كۇننىڭ باستى ءمانى – قازاقستاننىڭ يادرولىق قارۋدى تاراتپاۋ جانە قارۋسىزدانۋ ماسەلەلەرى جونىندەگى ۇستانىمىنا, سونىمەن قاتار, جەكەلەگەن ەلدەرمەن يادرولىق سىناقتارعا جان-جاقتى تۇگەل قامتيتىن تىيىم سالۋ تۋرالى شارتتىڭ كۇشىنە ەنۋى ءۇشىن تەز ارادا ونى راتيفيكاتسيالاۋعا دەگەن ۇندەۋدى كۇشەيتۋ», دەدى رەسمي وكىل.
سونىمەن قاتار, ا.ابيبۋللاەۆ الداعى اپتادا قازاقستان حالقى 1995 جىلى 30 تامىزدا جالپىۇلتتىق رەفەرەندۋمنىڭ قورىتىندىسى بويىنشا قابىلدانعان قازاقستان رەسپۋبليكاسىنىڭ كونستيتۋتسياسى – اتا زاڭدى قابىلداۋىمىزدىڭ 18 جىلدىق مەرەيتويىن اتاپ وتەتىنىن, وسىعان وراي, 29-30 تامىزدا استانادا بۇۇ, ەۋروپا كەڭەسى, ەۋرووداق, ەۋروپاداعى قاۋىپسىزدىك جانە ىنتىماقتاستىق ۇيىمى, ۆەنەتسيا كوميسسياسى اتىنان 19 ەلدىڭ جانە الدىڭعى قاتارلى حالىقارالىق ۇيىمدار وكىلدەرىنىڭ قاتىسۋىمەن «كونستيتۋتسيا – مەملەكەت پەن قوعام دامۋىنىڭ نەگىزگى ستراتەگياسى» تاقىرىبىندا عىلىمي-تاجىريبەلىك كونفەرەنتسيا ۇيىمداستىرىلاتىنىن اتاپ ءوتتى.
بۇل كۇنگى بريفينگكە سونداي-اق, ءبىلىم جانە عىلىم ۆيتسە-ءمينيسترى مۇرات ورىنحانوۆ تا قاتىسىپ, «قازاقستان-2050» ستراتەگياسىندا انىقتالعان عىلىم دامۋىنىڭ جاڭا تارماقتارىمەن تانىستىردى. ۆيتسە-ءمينيستردىڭ ايتۋىنشا, ول تارماقتاردىڭ ءبىرىنشىسى – جوعارى وقۋ ورىندارىنىڭ عىلىمي-زەرتتەۋ قىزمەتىن بەلسەندى دامىتۋ, ەكىنشىسى – شەتەلدىڭ عىلىمي قاۋىمداستىعىمەن بىرىگۋ, ءىرى حالىقارالىق جوبالارعا قاتىسۋ, ءۇشىنشىسى – عىلىمنىڭ ەكونوميكاعا ناقتى ۇلەسى, عىلىم مەن بيزنەستىڭ بىرلەستىگى, مەملەكەت-جەكە مەنشىك سەرىكتەستىكتىڭ الدىڭعى قاتارلى تەتىكتەرىن ەنگىزۋ. سونداي-اق, استانادا وتەتىن ەكسپو-2017 كورمەسىنە دايىندىقتى عىلىمي قامتاماسىز ەتۋ جۇمىسى دا كوكەيكەستى بولماق.
«وسىناۋ ءىرى مىندەتتەردى شەشۋ ءۇشىن بىرقاتار نەگىزگى تەتىكتەردى ەنگىزۋ جوسپارلانۋدا. ءبىرىنشى تەتىك – عىلىمي كادرلاردى دايىنداۋ ساپاسىن قاتاڭ باقىلاۋدى ەنگىزۋ. بۇل جەردە باستى ءرولدى جوعارى وقۋ ورىندارى جانىنداعى دوكتورانتۋرا, ياعني عىلىمي كادرلاردى دايىنداۋدىڭ جاڭا جۇيەسى اتقارادى. ەكىنشى تەتىك – جاس عالىمداردى قولداۋ. وسىعان بايلانىستى ماتەريالدىق ىنتالاندىرۋ ماسەلەلەرى ازىرلەنۋ ۇستىندە. ولار: عىلىمي اتاق ءۇشىن قوسىمشا اقى, ۇزدىك زەرتتەۋلەر مەن يننوۆاتسيالاردى ەنگىزگەنى ءۇشىن عالىمدارعا ەلباسى بەكىتكەن ءال-فارابي اتىنداعى مەملەكەتتىك سىيلىق. قولداۋدىڭ تاعى ءبىر ءتۇرى جاس عالىمدار ءۇشىن جىل سايىنعى كونكۋرستاردى وتكىزۋ ءۇشىن گرانتتىق قارجىلاندىرۋدى ءارتاراپتاندىرۋ بولىپ تابىلادى», دەدى ۆيتسە-مينيستر.
مۇرات ورىنحانوۆ سونداي-اق, ءۇشىنشى تەتىك جوعارى وقۋ ورىندارىنىڭ عىلىمىنا قولداۋ كورسەتۋ ەكەنىن اتاپ وتە كەلە, قازىرگى تاڭدا جوعارى وقۋ ورىندارىنىڭ عىلىمى عىلىمي قىزمەت قاتىسۋشىلارىنىڭ جالپى سانىنىڭ 67 پايىزىن قۇرايتىنىنا توقتالدى. «بۇل ءوز كەزەگىندە, ساپالى ءبىلىم الۋ ءۇشىن جاڭا ءبىلىمدى قۇرۋدىڭ ماڭىزدى قورى بولىپ تابىلادى. ال ءتورتىنشى تەتىك – ەلگە جاڭا زياتكەرلىك كۇش-قۋات تارتۋ. بۇل تاجىريبە وڭتۇستىك-شىعىس ازيا, قىتاي, كانادا, اقش ەلدەرىندە, جالپى العاندا, يننوۆاتسيالىق دامۋ جاعىنان كوشباسشى ەلدەردە قولدانىلادى. بەسىنشى تەتىك – وتاندىق زەرتتەۋشىلەردىڭ تانىمال رەيتينگىلىك جۋرنالداردا جاريالانۋ بەلسەندىلىگىن ماتەريالدىق ىنتالاندىرۋ. جالپى العاندا, بەسىنشى تەتىك كادرلىق الەۋەتتى ارتتىرۋعا, الەمدىك دەڭگەيدەگى كوكەيكەستى زەرتتەۋلەر جۇرگىزەتىن باسەكەگە قابىلەتتى عالىمداردى قولداۋعا باعىتتالعان. التىنشى تەتىك – عىلىمي-زەرتتەۋشىلىك قىزمەت سالاسىندا حالىقارالىق ارىپتەستىكتى دامىتۋ. قازىرگى تاڭدا 30 ەلمەن ەكىجاقتى نەگىزدەگى حا