قازان قالاسىندا قازاقتىڭ ءبىرتۋار اقىندارى ماعجان جۇماباەۆ پەن مۇقاعالي ماقاتاەۆتىڭ ولەڭدەر جيناعى جارىق كوردى. قالىڭ وقىرمانعا جول تارتقان ماعجان جۇماباەۆتىڭ «جان ءسوزى» دەپ اتالاتىن ولەڭدەر جيناعىنىڭ تارالىمى – 1000 دانا. ونى تاتار تىلىنە اۋدارعاندار – نۋري ارسلانوۆ, ءمودارريس اگلام, فلەرا تارحانوۆا, ءراديف گاتاش. مۇقاعالي ماقاتاەۆتىڭ ولەڭدەر جيناعى 500 دانامەن جارىق كورگەن. بۇل جيناقتى اقىن, بىرنەشە كىتاپتىڭ اۆتورى ءنازيلا ۋسمانوۆا-يۋسيموۆا اۋدارعان. بۇيىرسا, تاتار وقىرماندارى كوپ كەشىكپەي قادىر مىرزا ءالىنىڭ ولەڭدەرىمەن دە سۋسىندايتىن بولادى.
رافحات حالەلوۆ.
سۋرەتتى تۇسىرگەن اۆتور.
قازان-ورال.