اقتوبە قالاسىنا قاراستى قۋرايلى اۋىلىنىڭ ماڭىنداعى «اقبۇلاق» اكتسيونەرلىك قوعامىنىڭ پايدالانىلمايتىن كارىز قۇبىرىنان مەتالل سىنىقتارىن جيناۋ كەزىندە 29 بەن 33 جاس ارالىعىنداعى ءۇش اعايىندى جىگىت قازا بولدى.
اقتوبە قالاسىنا قاراستى قۋرايلى اۋىلىنىڭ ماڭىنداعى «اقبۇلاق» اكتسيونەرلىك قوعامىنىڭ پايدالانىلمايتىن كارىز قۇبىرىنان مەتالل سىنىقتارىن جيناۋ كەزىندە 29 بەن 33 جاس ارالىعىنداعى ءۇش اعايىندى جىگىت قازا بولدى.
ولاردىڭ قاسىنداعى تاعى ءبىر ادام مەديتسينالىق جەدەل جاردەم اۋرۋحاناسىنا جەتكىزىلىپ, ەسىن جيدى. بۇل تۋرالى وبلىستىق توتەنشە جاعدايلار دەپارتامەنتى ديرەكتورىنىڭ ورىنباسارى باۋىرجان سىزدىقوۆ پەن دەپارتامەنتتىڭ جەدەل قۇتقارۋ قىزمەتىنىڭ جەتەكشىسى اسقار حامزيننىڭ بۇقارالىق اقپارات قۇرالدارى وكىلدەرىمەن وتكىزگەن باسپاسوز ءماسليحاتىندا حابارلاندى. ولاردىڭ مالىمدەۋىنشە, قۋرايلى اۋىلى ماڭىندا «اقبۇلاق» اكتسيونەرلىك قوعامىنىڭ جەر استى جۇمىسى ءجۇرىپ جاتقان كورىنەدى. ءتورت جىگىت ديامەترى 900 سانتيمەتر 2-3 مەتر تەرەڭدىكتە ورنالاسقان كارىز قۇبىرلارىن كەسىپ, مەتالل جيناۋ ءۇشىن جەر استىنا تۇسكەن. سول مەزەتتە ولار قۇبىر ىشىندەگى قاتتى قىسىمدى مەتان گازىنا ۋلانعان. جوعارىدا ايتقانداي, ءۇش جىگىت سول جەردە قايتىس بولادى. ءبىر جىگىت قانا سىرتقا شىعىپ ۇلگەرەدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.