قىتايدىڭ نانكين قالاسىندا جاسوسپىرىمدەر اراسىندا وتكەن ءىى جازعى ازيا ويىندارى اياقتالدى. بۇل سىندا ءبىزدىڭ سپورتشىلار 1 التىن, 4 كۇمىس, 8 قولا مەدال يەلەندى.
بيىلعى ازيادادا جالعىز الىن جۇلدەنى ەلىمىزگە ستەند اتۋدان جارىسقا قاتىسقان الەكساندر مۇحاماديەۆ سىيعا تارتتى. ودان باسقا 17 جاسقا دەيىنگى سپورتشىلار قاتىسقان ازيا ويىندارىندا جەڭىل اتلەتتەر يۆان سولوۆەۆ ءۇش قارعىپ سەكىرۋدە, 400 مەترگە كەدەرگىلەر ارقىلى جۇگىرۋدە اناستاسيا سەرگەەۆا, تاەكۆوندودان فاريزا الدوڭعاروۆا مەن گاندبولدان قازاقستان جاسوسپىرىمدەر قۇراماسى كۇمىس مەدالگە يە بولدى. قولا جۇلدەنى اناتولي دۋراچەنكو (دزيۋدو), جانار كاشين (دزيۋدو), داۆيد پوشيۆالوۆ (ستەند اتۋ), ەكاتەرينا ستەليارەنكو (اۋىر اتلەتيكا), ەكاتەرينا ديمچەنكو ء(جۇزۋ), ەراسىل قايىربەك (تاەكۆوندو), ءاسيا دايىر (تەننيس), دميتري پوپكو (تەننيس) الدى.
قازاقستان 13 مەدالمەن جالپى ەسەپتە 13-ورىندى يەلەندى. ال 2009 جىلى سينگاپۋردە وتكەن ءى جاسوسپىرىمدەر اراسىنداعى ازيا ويىندارىندا 4 التىن, 6 كۇمىس, 4 قولا مەدال يەلەنىپ, جالپى ەسەپتە 8-ورىن العان ەدى.
كەلەسى ءىىى جاسوپىرىمدەر ازياداسى 2017 جىلى شري- لانكانىڭ نامبانتوتا قالاسىندا وتەدى.
داستان كەنجالين.