حالىقارالىق حوككەي فەدەراتسياسى 2020 جىلدىڭ مامىرىن ايىندا شۆەيتساريادا ءوتۋى ءتيىس بولعان ەليتالى ديۆيزيونداعى الەم چەمپيوناتىن كەيىنگە شەگەردى دەپ حابارلادى قازاقستاننىڭ ۇوك ءباسپاسوز قىزمەتى.
حالىقارالىق فەدەراتسيا مۇنداي قادامعا كوروناۆيرۋس ىندەتىنىڭ تارالۋىنا بايلانىستى بارىپ وتىر.
«بۇل الەمدەگى حوككەيسۇيەر قاۋىم ءۇشىن ۇلكەن سوققى. بىراق كونۋگە تۋرا كەلەدى. كوروناۆيرۋس عالامدىق پروبلەماعا اينالدى. قاۋىپتى ۆيرۋس تارالماۋ ءۇشىن بۇكىل الەم بولىپ كۇرەسۋىمىز قاجەت. IIHF بۇل كۇرەسكە قولداۋ كورسەتۋ ءۇشىن ايانىپ قالمايدى. ازىرگە سپورتتىق ءىس-شارالاردى كەيىنگە قالدىرىپ, كوروناۆيرۋسقا قارسى كۇرەسكەن مەملەكەتتىك ورگانداردى قولداۋىمىز قاجەت», دەدى IIHF پرەزيدەنتى رەنە فازەل.
ايتا كەتەيىك, حوككەيدەن قازاقستان ۇلتتىق قۇراماسى دا قاتىسۋى ءتيىس بولعان الەم چەمپيوناتى 8-24 مامىر ارالىعىندا وتەدى دەپ جوسپارلانعان-دى.