قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆتىڭ قورى نۇر-سۇلتان مەن الماتىدا كوروناۆيرۋسپەن كۇرەسكە قارجىلاي كومەك بەرەدى.
تەننيس فەدەراتسياسىنىڭ حابارلاۋىنشا, قور 200 ملن تەڭگەگە ادام اعزاسىندا covid-19 ۆيرۋسىنىڭ بار-جوعىن انىقتايتىن جەدەل-تەست ساتىپ الادى جانە دەنساۋلىق ساقتاۋ مينيسترلىگى جانە باسقارمالارىمەن بىرلەسە وتىرىپ, ساراپتاما جاسايتىن ءموبيلدى پۋنكتىلەردى ۇيىمداستىرادى.
دەنساۋلىق ساقتاۋ باسقارماسى نۇر-سۇلتان جانە الماتى قالالارىندا جەدەل ساراپتاما جاسايتىن 10 ءموبيلدى توپتان ۇيىمداستىرادى. توپ ادامدار كوپ جينالاتىن جەردە جۇمىس ىستەيدى. اتاپ ايتار بولساق, ءدارىحانالاردا, سۋپەرماركەتتەردە, قوعامدىق كولىك ايالدامالارىندا جانە تەمىرجول ۆوكزالدارىندا.
«جەدەل-تەستتەردى ۇيىمداستىرا وتىرىپ, بولات وتەمۇراتوۆ قورى مەن ونىڭ قۇرىلتايشىسى ەلىمىزدە كوروناۆيرۋس ينفەكتسياسىنا قارسى كۇرەسكە ءوز ۇلەستەرىن قوسادى. بىرىنشىدەن, ءبىز ۆيرۋس جۇقتىرعانداردى ۋاقىتىلى انىقتاپ, ەمدەۋگە جىبەرەمىز. ەكىنشىدەن, ۆيرۋستىڭ تارالۋىن شەكتەيمىز. ۇشىنشىدەن, ۆيرۋسقا تاپسىرعان تەست تەرىس ناتيجە كورسەتكەن ادامدارعا ءوزىنىڭ جانە جاقىندارىنىڭ دەنساۋلىعىنا الاڭداماۋعا كومەكتەسەمىز», دەدى ب.وتەمۇراتوۆ قورىنىڭ ديرەكتورى مارات ايتماعامبەتوۆ.