وماننىڭ ماسكات قالاسىندا وتكەن ۇستەل تەننيسىنەن Oman Open حالىقارالىق تۋرنيرىنە قاتىسقان وتانداسىمىز كيريلل گەراسيمەنكو شيرەك فينالدا ءسۇرىندى.
گەراسيمەنكو باستاپقى باسەكەدە كادەتتەر اراسىنداعى وڭتۇستىك-شىعىس ازيانىڭ ءۇش دۇركىن چەمپيونى, سينگاپۋرلىق پانگ ەن كوەنمەن باق سىناسىپ, 4:2 ەسەبىمەن باسىم ءتۇستى. ال جۇپتىق سىندا الەم چەمپيوناتىنىڭ جانە كوماندالىق جارىستاعى جاھاندىق دودانىڭ قولا جۇلدەگەرى, پورتۋگاليالىق تياگۋ اپولونينى 4:1 ەسەبىمەن جەڭگەن-ءدى.
الايدا, جارتىلاي فينال جولداماسى ءۇشىن وتكەن تارتىستا وتانداسىمىز ەۋروپا چەمپيوناتىنىڭ كۇمىس جۇلدەگەرى, رەسەيلىك كيريلل سكاچكوۆقا 4:3 ەسەبىمەن جول بەردى.